Elimizde jarty mıllıon adam ıpoteka tóleıdi

Qazaqstanda ıpotekalyq nesıe alýshylardyń sany alǵash ret 500 myńnan asty, dep habarlaıdy krisha.kz.

Mundaı málimetterdi Birinshi nesıe bıýrosy keltirdi. Jarty mıllıonynshy bolyp ıpoteka alǵan adam 1 mamyrda tirkeldi.

"Búgingi tańda ıpotekalyq nesıeleýdiń jalpy portfeli 5,9 trln teńgeni quraıdy. Bul rette 290 000 qaryz alýshy úshin óteý merzimi kem degende 10 jyl bolyp otyr. Árbir onynshy ıpoteka alýshy keminde taǵy 20 mln teńge tóleýi kerek", - deıdi sarapshylar.

Ipotekalyq nesıe boıynsha qaryzdyń ortasha somasy 10,2 mln teńgeni quraıdy.

Astanada turǵyn úı satyp alýǵa 98,1 myń, Almatyda 83,5 myń nesıe rásimdeldi. Bul qalalar berilgen nesıeler sany boıynsha kósh bastap tur, ıaǵnı ıpotekanyń jalpy sanynyń 36 paıyzyn quraıdy.