"Qańtar oqıǵasynan keıin Qazaqstanda demokratııa quldyraǵan"

Freedom House buryndary kommýnıstik ıdeologııamen ómir súrgen Ortalyq Eýropa, Balqan túbegi men Eýrazııanyń 29 elindegi jaǵdaıǵa baǵa berdi.

Memleketterdegi demokratııa deńgeıi ulttyq demokratııalyq basqarý, saılaý prosesi, azamattyq qoǵam, táýelsiz BAQ, jergilikti demokratııalyq basqarý jáne sybaılas jemqorlyq  boıynsha baǵalanady. Bul joly birqatar elder "kúsheıtilgen avtorıtarlyq rejımniń" tómengi sanatynda qaldy. Olardyń arasynda Belarýs, Ázirbaıjan, Reseı jáne Ortalyq Azııa elderi bar.

"Belarýssııada, Qazaqstanda, Qyrǵyzstanda, Tájikstanda jáne О́zbekstanda azamattyq qoǵamǵa qyspaq jasalatyny baıqaldy: keıde bılik narazylyq bildirgenderge zorlyq–zombylyq kórsetse, keıde ustalǵandardy azaptaǵan. Túrkimenstan men Ázirbaıjan azamattarynyń bıleýshi elıta nepotızminen zardap shegýi men Reseıdegi soǵysqa qarsylyq bildirgenderge qarsy repressııa demokratııanyń quldyraýyna ákeldi", – delingen basylymda.

Qazaqstanda demokratııa ındeksi ótken jyldan beri tómendep, birde–bir kórsetkish boıynsha alǵa ilgerilemegen.

Sarapshylardyń aıtýynsha, qańtar oqıǵasynan keıin jaǵdaı burynǵydan da qatty nasharlaǵan. Qazaqstan bıligi óz ýádelerin oryndamady, al Jańaózen turǵyndarynyń narazylyǵy birden saıası talaptarǵa aınaldy. Osy jaǵdaılardy eseptegende, barlyq sanattar boıynsha eldegi demokratııa ındeksi eń tómengi deńgeıge jaqyn.