Ábilqaıyr Sqaqov Pavlodar oblysynyń ákimi qyzmetinen bosatyldy

Ábilqaıyr Sqaqov Pavlodar oblysynyń ákimi qyzmetinen bosatyldy. Bul týraly Aqorda habarlady. 

"Ábilqaıyr Baqtybaıuly Sqaqov Pavlodar oblysynyń ákimi qyzmetinen bosatylsyn", - delingen Aqordanyń habarlamasynda. 

Ábilqaıyr Sqaqov Pavlodar oblysy ákimi bolyp 2020 jyldyń 21 qańtarynda  taǵaıyndalǵan.

Qazir oblys ákimi mindetin ýaqytsha Oleg Krýk atqarady. Ol buǵan deıin oblys ákiminiń birinshi orynbasary bolǵan.

150 myń halqy bar Pavlodar oblysyndaǵy Ekibastuz qalasynyń turǵyndary qaqaǵan aıazda birneshe kún boıy jylýsyz qalǵannan keıin Ysqaqov qyzmetinen bosap otyr. 27 qarashaǵa qaraǵan túni jergilikti jylý elektr ortalyǵyndaǵy qazandyqtar isten shyǵyp, ondaǵan kópqabatty turǵyn úı, sonymen birge jeke úıler men áleýmettik nysandar 30 gradýs aıazda jylýsyz qalǵan.