11 Qarasha, 2022 Ekonomıka
Kórneki sýret/sputnik.kz
Ataýly áleýmettik kómek alatyn otbasylardyń 1-6 jas aralyǵyndaǵy balalary bolsa, ár balaǵa aı saıyn 1,5 aılyq eseptik kórsetkish (4594,5 teńge) kóleminde tólem taǵaıyndalatyn bolady. Bul týraly qoǵam talqysyna usynylǵan Eńbek jáne halyqty áleýmettik qorǵaý mınıstrliginiń ózgerister men tolyqtyrýlar engizilgeli otyrǵan ataýly áleýmettik kómek taǵaıyndaý týraly qaǵıdalar jobasynda aıtylady.
Al ataýly áleýmettik kómek mólsherin esepteýde ózgeris joq. Otbasyna ataýly áleýmettik kómek tóleý merzimi aıaqtalǵan jaǵdaıda qosymsha tólem de toqtatylady.
Qujat jobasyn 25 qarashaǵa deıin talqylaýǵa bolady.
Búginde tabysy az otbasynyń ár múshesine 20 789 teńgeden ataýly áleýmettik kómek beriledi. Ony úkimet beketken formýlaǵa saı kedeıshilik sheginde ómir súrip jatqan otbasylar alady. Ol úshin tabysy az otbasynyń aılyq kirisi otbasy músheleriniń árqaısysyna shaqqanda eń tómen kúnkóris deńgeıiniń 70 paıyzynan (25 212 teńge) aspaýy kerek. Budan bólek AÁK taǵaıyndaýdyń negizgi sharttarynyń biri otbasyndaǵy eńbekke qabiletti adam usynylǵan jumystan bas tartpaýy qajet. bas tartsa, AÁK toqtatylady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir