• USD 465.38

  • EUR 483.58

  • RUB 7.69

  • CNY 64.95

27 Qarasha, 18:40:09
Almaty
-8°

Kásipker Ramıl Mýhorıapovtyń qazaq tiline baılanysty aıtqan daýly málimdemesi boıynsha qylmystyq is qozǵaldy. Bul týraly Almaty qalasynyń polısııa departamenti jýrnalıst Asan Anarbaıdyń saýalyna bergen jaýabynda habarlaǵan.

 
"Al, dostar, Ramıl Mýhorıapovtyń málimdemesine qatysty aryz boıynsha qylmystyq is qozǵaldy. Almaty qalasynyń Almaty qalasynyń Polısııa departamenti Ekstremızmge qarsy is-qımyl basqarmasy 20 qazanda QR Bas prokýratýrasy men Almaty qalasynyń prokýratýrasyna túsirgen aryzyma qylmystyq is ashqany jaıly jaýap beripti. Almaty q. PD EQISB bastyǵynyń mindetin atqarýshy D.E.Abıkýlov qol qoıǵan hatqa sensek, PD Tergeý basqarmasynyń QR Qylmystyq kodeksiniń 174-babynyń (“Áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý”) 1-bóligimen sotqa deıingi tergep-tekserýdi bastaǵan. " deıdi jýrnalıst.
 
 
Ábiqulov tergelip jatqan qylmystyq is sheńberinde psıhologııalyq-fılologııalyq SARAPTAMA taǵaıyndalyp, nátıjeleri boıynsha prosessýaldyq sheshim qabyldanatyn jetkizgen.
 
Asan Anarbaı aıtýynsha, bul aıyptyń jazasy zańda úsh nusqada kózdelgen: 2 myń-7 myń AEK aıyppul, 2-7 jyl aralyǵynda bas bostandyǵyn shekteý nemese aıyrý.

Chocofamily basshysy Ramıl Mýhorıapovtyń reseıliktermen kezdesý kezinde qazaqsha bilmeıtin ózge ult ókilderine oryssha bile tura qazaq tilinde jaýap berý mádenıetsizdik ekenin aıtqan sózderi daý týdyrǵan. Atalǵan oqıǵadan soń qazaqstandyqtar Chocofamily ónimderine baıkot jarııalap, onyń ústinen Bas prokýratýraǵa depýtattar, jekelegen azamattar aryzdanǵan. Ramıl Mýhorıapov bolsa, áleýmettik jeli arqyly kópshilikten keshirim surap, artyq ketkenin moıyndaǵan.

"Qamshy" silteıdi
Ilmek sózder: Ramıl Mýhorıapov

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir