• USD 468.45

  • EUR 489.06

  • RUB 7.66

  • CNY 66.09

02 Jeltoqsan, 19:22:34
Almaty
-3°

Reseı Qazaqstanmen shektesetin Astrahan oblysyndaǵy "Qaraózek" pýnktine mobıldik shaqyrý pýnktin ornalastyrdy. Bul týraly Krasnoıar aýdanynyń basshysy Rýslan Bısenov telegram-kanalynda málim etti. 

"Krasnoıar jáne Volodar aýdany áskerı komıssarıatynyń qyzmetkerleri áskerge alynýǵa tıis azamattarǵa shaqyrý (mobılızasııaǵa shaqyrý) berip bastady. Qujatty alǵandar RF Prezıdentiniń "Reseı Federasııasynda ishinara mobılızasııa jarııalaý týraly" qaýlysyna saı elden shyǵarylmaıdy. Bul tek Krasnoıar men Volodar aýdany turǵyndaryna ǵana emes, áskerı esepte turǵan barlyq reseılikterge qatysty" delingen Rýslan Bısenovtyń jazbasynda. 

Astrahan – Reseıdegi etnıkalyq qazaqtar shoǵyrlanǵan oblystyń biri. Reseıdegi 2010 jylǵy halyq sanaǵynyń málimetine saı, Astrahan oblysynda 150 myńǵa jýyq qazaq turady.

Ishinara mobılızasııa jarııalanǵaly Reseıdiń kórshi eldermen shektesetin shekaralarynyń barlyǵynda elden shyqqysy kelgenderdiń birneshe shaqyrymǵa sozylǵan keptelisi áli seıilgen joq. Kreml azamattardyń shetel asýyn toqtatý úshin túrli shara qabyldap jatyr.

Máselen, Fınlıandııamen shekaradaǵy "Torfıanovka" beketinde shaqyrý pýnkti ashylǵan. Grýzııamen shekardaǵy "Verhnıı Lars" beketinde azamattar shekarany zańsyz kesip ótýge tyrysqan jaǵdaıǵa dep oq ótkizbeıtin áskerı tehnıka qoıylǵan. Soltústik Osetıada tipti elden shyǵýǵa shektep qoıyldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir