О́mirzaq Shókeev otstavkaǵa ótinish berdi

Túrkistan oblysynyń ákimi О́mirzaq Shókeev otstavkaǵa ótinish berdi.

Ortalyq kommýnıkasııalar qyzmetinde ótken brıfıngte О́mirzaq Shókeev "Kentaý ákiminiń qylmysy dáleldense, otstavkaǵa ketýge daıynmyn" degen bolatyn. Búgin Túrkistan oblysy ákimdiginiń baspasóz qyzmeti Shókeevtiń otstavkaǵa ótinish bergenin rastady. Al, negizgi sheshimdi Prezıdent qabyldaıtyn bolady.

Bıylǵy 23 aqpanda Kentaý qalasynyń ákimi asa iri kólemde para aldy degen kúdikke ilingen bolatyn. Ol óziniń senimdi tulǵalary arqyly memlekettik-jekemenshik áriptestik aıasynda qaladaǵy avtokólik joldaryn jóndeýmen aınalysatyn seriktestik dırektorynan 98 500 AQSh dollaryn (42 mln 500 myń teńge) aldy degen aıyppen 10 jylǵa sottalǵan bolatyn. Al, keshegi kúni Almaty qalalyq soty sottalýshynyń apellıasııalyq shaǵymyn qarap, ony qanaǵattandyrýsyz qaldyrǵan.

Derekkóz: inform.kz