• USD 476.43

  • EUR 479.86

  • RUB 8.07

  • CNY 70

19 Tamyz, 20:47:50
Almaty
+19°

Reseı Qaýipsizdik keńesi tóraǵasynyń orynbasary, eks-prezıdent Dmıtrıı Medvedev "VKontakte" jelisinde Qazaqstanǵa qarata basqynshy sózder aıtylǵan jazbasyn ózi jazbaǵan bolyp shyqty.

Reseılik "RIA Novostı" basylymyna pikir bildirgen burynǵy prezıdentttiń kómekshisi Medvedevtiń paraqshasy buzylǵanyn, qazirgi ýaqytta áleýmettik jeli ákimshiligi men tıisti adamdar ony qaıtarý boıynsha jumys istep jatqanyn jetkizgen.

Buǵan deıin Medvedevtiń  "VKontakte" jelisindegi resmı paraqshasynda Qazaqstandy orystarǵa genosıd jasap otyr dep aıyptaǵan, KSRO-ny qaıta qurý kerektigi týraly jazba jarııalanyp, uzamaı óshirilgen. Alaıda jazbany skrınshot jasap úlgergender sýretterdi jelige taratyp jiberdi.

О́shirilgen jazbada toqsanynshy jyldary jiberilgen óreskel qatelik túzetilip, egemen elder bolmaıtyny, kezinde Keńes odaǵyna kirgen elder qaıtadan birge ómir súretini kúmánsiz ekeni aıtylǵan.

"Buǵan qol jetkizý úshin Reseı kúshin de, qarjysyn da aıap qalmaıdy" degen ol "bul maqsattaǵy áreket bastalyp ketti, Kıevti qaraqshy ultshyldardan tazartqan soń, Rýs myń jyl burynǵydaı qýatty, jeńilmeıtin memleketke aınalady" deıdi.

Jazbada sondaı-aq "XVII ǵasyrdyń basynda orystar Soltústik Qazaqstannyń jabaıy jerlerin ıegere bastaǵany", "úsh ǵasyr boıy orystar ólkeni birtindep otarlaǵany" atalyp ótilgen. Qazaqstan qoldan jasalǵan memleket ekeni, qazirgi Atyraý men Semeı orystardyń terrıtorııasy bolǵany, tipti Almatynyń ózi 1924 jylǵa deıin Vernyı atalyp kelgeni jazylǵan.

"Qazir Qazaqstan bıligi respýblıka ishinde etnıkalyq toptardy kóshirý bastamalaryn kóterip júr. Bul orystarǵa jasalǵan genosıd. Biz buǵan kóz juma qaraı almaımyz. Ol jaqqa orystar barmaıynsha, beıbereket jalǵasa beredi" delingen jazbada.

Medvedev jazbasynda Qazaqstannan bólek Grýzııanyń da aýmaqtyq tutastyǵyna nuqsan keletin málimdemeler bar.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir