• USD 475.94

  • EUR 483.98

  • RUB 7.94

  • CNY 70.09

19 Tamyz, 19:42:03
Almaty
+22°

Eks-sheneýnik, iri kásipker sátti bıznesine qaramastan memlekettik qyzmetke ne úshin kelgenin aıtyp berdi.

– Ashyǵyn aıtaıyn, muǵan muny (memlekettik qyzmetke barý ıdeıasyn – red) Zamanbek Nurqadilov usyndy. Ol Almaty oblysynyń ákimi bolyp turǵanda meniń kásipkerlik qyzmetimdi, uıymdastyrý qabiletimdi baıqap, týǵan aýylyma qyzmet etýge shaqyrdy. Osylaısha, 1999 jylǵy tamyzda meni Kóksý aýdany ákiminiń orynbasary, bir jarym jyldan soń ákimi etip taǵaıyndady, – degen ol Almaty oblysyn Shalbaı Qulmahanov basqarǵan tusta ózin Aqsý aýdanyna aýystyrǵanyn, aldyna shyǵynǵa batqan qant zaýytyna ınvestor taýyp, óndiristi iske qosý mindeti qoıylǵanyn, ony sátti oryndaǵanyn jetkizdi.

Mánizorov memlekettik qyzmetke alǵash ákim usynysy boıynsha kelgenimen, 2008 jyly Almaty qalasynda jańadan qurylǵan Alataý aýdanyna ákim bolǵanda sol kezdegi qala basshysy Ahmetjan Esimovtiń tikeleı yqpaly bolmady deıdi.

– Meni Ahmetjan Esimov dostyǵymyzǵa bola taǵaıyndady degendi oqyp qaldym. Olaı emes. Men onymen ákim bolyp taǵaıyndalǵan kezinde tanysqanmyn. Ahmetjan Esimov kelgennen keıin jańa aýdan qurý týraly sheshim qabyldandy. Ol jerge basqa úsh aýdannyń máselesi ýshyqqan ýcheskeleri berildi. Shańyraq oqıǵasynda adamdardy aldap, jerdi jalǵan qujatpen satqany bárine málim. Keıin qaqtyǵys boldy. Osy daýly ýchaskeler jańa aýdanǵa ótti. Esimov ekeýmizdiń aramyzda osy jerlerdi zańdastyrý týraly kúrdeli áńgime júrdi. Men jerdi zańdastyrý kerektigin aıttym. Qala ákimdiginde jıyn bolǵanda bul oıdy áriptesterimniń bári qoldady deı almaımyn. О́ıtkeni is júzinde jerler basyp alynǵan edi. Men Esimovke kirip, jalǵan qujaty bar úılerdi súrip tastaý múmkin emestigin aıttym. Onda 100 myńdaı adam turatyn, 7-8 myń qurylysty surýge týra keletin edi. Bul adamdar Almatyǵa jetiskeninen kelgen joq, kolhoz, sovhozdar jabylyp, jumyssyz qalǵan soń keldi. Osy rette ýcheskelerdi zańdastyrýǵa el basshylyǵyn kóndire bilgen Esimovke alǵys aıtý kerek. Jerdi rásimdep jatqanda ákimshilik ǵımaratynda 3 myń adam tirkeýde turǵanyn kóbi bile bermeıdi. Adamdar balasyn mektepke, balabaqshaǵa berip, járdemaqy alý kerek emes pe... Sol kezde durys sheshim qabyldadyq dep sanaımyn. 7 myńǵa jýyq ýchaskeni zańdastyryp, 100 myńdaı adam qala turǵyny atandy. Eger olardy qýǵanymyzda jańa konflıkt bolar edi, – deıdi Baǵdat Mánizorov Vremıa gazetine bergen suhbatta.

Buǵan deıin kásipker Ábilákim Mámetov quzyrly organdarǵa Mánizorov memlekettik qyzmette júrgende kásippen qatar aınalysyp, ózine 6 mıllıon dollar qaryz ekeni týraly aryz túsirgen. Baǵdat Mánizorov Ábilákim Mámetovtiń aıybyn tolyqtaı joqqa shyǵaryp, "qolynda dáleli bolsa, qansha aryzdansa da aryzdana bersin, men "aqpyn" deıdi.

Ol osy áńgimeniń bári jala ekenine, muny Mámetovti basqaryp otyrǵan adamdar uıymdastyryp otyrǵany bolýy múmkin ekenin aıtady.

– Olardyń maqsaty bireý: olar meniń júıkem syr berip, kelissózge baryp, aqsha tólegenimdi qalaıdy. Bul – bopsalaý. Men ózimniń adal esimimdi aqyryna deıin qorǵaımyn, – deıdi Baǵdat Mánizorov.

"Qamshy" silteıdi
Ilmek sózder: Baǵdat Mánizorov

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir