• USD 475.94

  • EUR 483.98

  • RUB 7.94

  • CNY 70.09

19 Tamyz, 19:29:59
Almaty
+22°

Tergeý ızolıatorynda qamaýda otyrǵan oppozısııalyq belsendi Ermek Narymbaev azaptaýǵa ushyraǵanyn, ózine qatysty qoldanylǵan zańsyz áreketterge narazylyq retinde ashtyq jarııalaǵanyn málim etti. Bul týraly Narymbaevtyń tergeý ızolıatorynan jazǵan hatynda aıtylady. Hat onyń facebook paraqshasynda jarııalandy.

Sózinshe, ony 21 maýsym kúni saǵat 22:00-de birneshe jedel ýákil tintip, ekinshi áreketten keıin qaltasyna SIM karta salyp jiberip, tintý kezinde taýyp alǵandaı bolǵan. "Bunyń bári jedel ýákilderdiń vıdeosynda bar" degen belsendi osy jaǵdaıdan keıin tártiptik ızolıatorǵa qamalǵan. Ol "SIM kartada saýsaq izderiniń joǵyn jedel ýákilderdiń ózi aıtty, "sımka" eshkimniń atyna tirkelmegen bolyp shyqty" dep otyr. Narymbaev osy jaǵdaıdan keıin ashtyq jarııalaǵan.

Ol jarııalaǵan ashtyǵyn toqtatý úshin tergeý ızolıatorynyń qyzmetkerleri kózi nashar kóretinine qaramastan kózildirigin, kitap, qalam, jalǵyz tamaǵy bolǵan sýyn alyp qoıyp, krannyń sýyp jaýyp tastaǵanyn aıtady.

"Ofıserler men áskerı qyzmetshilerdiń bir toby tósekten matrasty, jastyqty alyp, tósekti jaýyp, meni ash kúıi uıyqtaýǵa, beton edenge jatýǵa májbúr etti. Jedel ýákil bóliminiń úsh ofıseri (bólim bastyǵy Nurlan Qurmanǵalıuly, Eldos, Murat Mırhanuly) mazaq etti, turǵyzyp alyp, úsh burysh sekildi etip meni bir-birine ıterdi. Qulaǵyma taqap daýsy zoraıǵan mýzykamen qysym jasaý arqyly argessıvti áreketterge arandatýǵa tyrysty" deıdi.

Ol azaptaý áreketteri prokýratýraǵa aryzdanǵannan keıin de jalǵasqanyn jetkizdi.

"Men ar-namysymdy, qadir-qasıetimdi kemsitetin, quqyǵymdy buzatyn psıhıkalyq jáne fızıkalyq zorlyq-zombylyqqa ushyradym, osylaısha azaptaýǵa jáne qatygez qarym-qatynasqa jáne meniń qadir-qasıetimdi qorlaıtyn is-áreketterge jol bermeý týraly konstıtýsııalyq quqyǵym buzyldy. Baıandalǵannyń negizinde maǵan qatysty zorlyq-zombylyq jasaǵan kinálilerdi jaýapqa tartý týraly quzyretti organdarǵa shaǵym jiberý úshin meniń ótinishimdi qabyldaýdy suraımyn" delingen Narymbaev jazbasynda. 

Ermek Narymbaev alǵash 2015 jylǵy 12 qazanda ustalǵan. Oǵan Qylmystyq kodekstiń 174-baby (áleýmettik jelide ulttyq ar-namysty qorlaý, ultarazdyqty qozdyrý baǵytyndaǵy aqparatty taratý) boıynsha aıyp taǵylǵan. Belsendi Serikjan Mámbetalın ekeýi artynsha áreketine "ókinetini" týraly hat jazǵan. Ermek Narymbaı tergeý ızolıatorynda bir aıdan astam ýaqyt ashtyq jarııalap, 2016 jylǵy 22 aqpanda sot ony úı qamaqqa aýystyrý týraly sheshim shyǵarǵan. Keıin apellıasııa soty onyń jazasyn 3 jyl merzimge erkindigin shekteý jazasyna aýystyrǵan. 2016 jylǵy shildede Ermek Narymbaı quzyrly organdarǵa eskertpesten Ýkraınaǵa ketip qalǵan. Ol sodan beri Ýkraınada turyp keldi. 

Belsendi qańtar oqıǵasynan keıin aqpanda bılikpen dıalog ornatqysy keletinin aıtyp, elge oralǵan bette Almaty áýejaıynda qamaýǵa alynǵan.

"Qamshy" silteıdi
Ilmek sózder: Ermek Narymbaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir