Bir jyl turmastan ajyrasatyn jastardyń qatary jıilegen

2022 jylǵy I toqsanda AHAT bólimderi arqyly 4,1 myń jup ajyrasqan. Bul bir jyl burynǵy kórsetkishten 10,3 paıyzǵa az.

Ranking saıty keltirgen derekterde, ajyrasý aýyldyq jerlerde 27,5 paıyzǵa, qalada 5,5 paıyzǵa azaıǵany aıtylady.

Ajyrasý jaǵdaılary Almaty qalasynda (536), Almaty (466) jáne Qaraǵandy oblystarynda (417) jıi kezdesedi. Jyl basynan bergi eń tómengi ajyrasý faktileri Qyzylorda oblysynda (69) tirkelgen.

2021 jyly jalpy 48,2 myń jup ajyrasqan. Bul – 2020 jylǵa qaraǵanda 0,5 paıyzǵa artyq. Onyń ishinde 2,7 myń jup juptasyp jylǵa jýyq ýaqyt ta turmaǵan. Ondaılardyń sany aldyńǵy jylǵa qaraǵanda 16 paıyzǵa kóbeıgen. Erte ajyrasý derekteri Almaty qalasy men Almaty oblysynda, Nur-Sultan qalasynda, SQO-da tirkelgen..

Ajyrasýshylar arasynda 1 jyldan 4 jylǵa deıin turǵandar sany – 14,1 myń, 5 jyldan 9 jylǵa deıin bir shańyraq astynda ómir súrgender – 12,7 myń, 10 jyldan 14 jylǵa deıin – 7 myń, 15 jyldan 19 jylǵa deıin – 3,3 myń, 20 jyldan artyq turyp ajyrasqandar 6,1 myń.