Qonaev qalasynda 59 kópqabatty úı salynady

Almaty oblysynyń ákimshilik ortalyǵy bolǵan Qonaev qalasynda 2025 páterge arnalǵan 59 kóp qabatty úı salynady. Bul týraly qala ákimi Nurlan Qumabaev QAPINFO jelilik basylymyna málim etti.

Qala ákiminiń aıtýynsha, qazirgi tańda jekemenshik merdiger esebinen 120 páterge shaqtalǵan kópqabatty úsh úıdiń qurylysy júrip jatyr. Budan bólek 60 páterlik ondaǵan úıdiń jobasy jasalý ústinde.

Sondaı-aq kásipkerler 2020-2023 jyldar aralyǵynda óz qarajatyna 43 kópqabatty úıdi turǵyzady dep josparlanǵan. Ol jerde 1125 shańyraq turady dep kútilip otyr.

"Sonymen qatar qaladaǵy "Samal" jáne "Ardager" yqshamaýdandarynda ınjenerlik-kommýnaldyq jelilerdi tartý boıynsha jobalyq-smetalyq qujattar ázirlenip jatyr. Bul –atalǵan yqshamaýdandarda qosymsha turǵyn úıler boı kóteretinin bildiredi" delingen aqparattyq habarlamada.

Nurlan Qumabaev qala oblys ortalyǵy bolatyny jarııalanǵaly qymbattaǵan úı baǵasy qurylys qarqyndy júrip, naryqtaǵy suranysty qamtamasyz etiletindikten arzandaıtynyn aıtady. Sondaı-aq ákim qazirgi qymbatshylyq negizsiz ekenin, halyqtyń qarjylaı múmkindigi úı qunynyń tómendeýine áser etetinin jetkizdi.