• USD 476.71

  • EUR 467.03

  • RUB 8.36

  • CNY 67.1

03 Qazan, 19:38:05
Almaty
+14°

Almaty ákimdigi turǵyndardy 9 sáýirde Birge – taza Qazaqstan respýblıkalyq aksııasy aıasynda ótetin jalpyqalalyq senbilikke qatysýǵa shaqyrady. Ýaqyty: saǵat 9.00-den 12.00-ge deıin. Senbilikke kommýnaldyq qyzmetterdiń 2000-nan astam qyzmetkeri men 400-den astam arnaıy tehnıka shyǵady.

Qysqy kezeńnen keıin qala aýmaǵyn, rekreasııalyq aımaqtardy, saıabaqtardy, skverlerdi, aýlalardy, sondaı-aq saýda obektilerine, qoǵamdyq tamaqtaný oryndaryna jáne basqa da uıymdarǵa irgeles aýmaqtardy tazartý josparlanýda. Jappaı aǵash otyrǵyzý da josparlanǵan.

Barlyq menshik túrindegi uıymdardyń, sonyń ishinde JIB, PIK basshylarynyń qajet bolǵan jaǵdaıda senbilikke qatysýshylardy irgeles aýmaqtar men aýlalarda qoqys jınaýǵa arnalǵan quraldarmen, qolǵaptarmen, qaptarmen qamtamasyz etýin suraımyz.

Qoqys salynǵan qaptardy jol jıegine qoıý usynylady. Olardy qalanyń kommýnaldyq qyzmetteri alyp ketedi.

Qala aýdandary boıynsha senbilik ótetin oryndar:

1) Alataý aýdanyndaǵy «Sosnovyı bor» ekoparkinde jappaı aǵash otyrǵyzý jáne irgeles jasyl aımaqtardaǵy aýmaqty jınaý josparlanǵan.

2) Almaly aýdanynda senbilikti Saıran kóliniń shyǵys jaǵalaýynda jappaı ótkizý josparlanǵan.

3) Áýezov aýdanynda – Saıran kóli men Úlken Almaty ózeniniń batys jaǵalaýynda Jandosov kóshesiniń ońtústiginde. 

4) Bostandyq aýdanynda – Abaı dańǵylynyń bólý jolaǵy boıynsha.

5) Jetisý aýdanynda - D. Qonaev atyndaǵy Úlken Almaty kanalynyń boıynda.

6) Medeý aýdanynda – «Vostochka» TK artyndaǵy Kazachka ózeniniń, D.Qonaev atyndaǵy Úlken Almaty kanalynyń boıynda, ShAAJ-nan Dıvaev kóshesi boıymen «Taýly qyrat» kentine deıin.

7)  Naýryzbaı aýdanynda – Qarǵaly ózeni aýmaǵyndaǵy Abaı dańǵyly jáne Baıbaq batyr kóshesiniń soltústigindegi Qarǵaly ózeniniń aınalasy.

8) Túrksib aýdanynda – Petrozavodskaıa jáne Maılın kóshelerindegi jyralardyń boıy.

"Qamshy" silteıdi
Ilmek sózder: Jalpyqalalyq senbilik

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir