• USD 468.56

  • EUR 497.56

  • RUB 7.3

  • CNY 67.18

31 Qańtar, 21:12:51
Almaty
-3°
Búgin Almaty qalasy Almaly aýdandyq soty Reseı saıasatyn, Reseıdiń ımperıalıstik pıǵylyn ashyq synaǵan belsendi Marǵulan Boranbaı men Danat Namazbaevty 5 jylǵa bostandyǵynan aıyrý týraly sheshim shyǵardy.
 
Belsendilerge qylmystyq kodekstiń 174-babynyń 2-bóligi boıynsha (ulttyq, áleýmettik arazdyqty qozdyrý), 179-babynyń 2-bóligi boıynsha (memlekettiń qaýipsizdigine nuqsan keltirip,bılikti basyp alýdy,nasıhattaýy) is qozǵalǵan.
 
"2018 jyldan bastap sottalýshylar B. men N. ǵalamtor jelilerin paıdalana otyryp, olar «Facebook» áleýmettik jelisindegi jeke paraqshalarynda ulttyq jáne áleýmettik arazdyqty qozdyrýǵa, orys ultynyń ókilderiniń ulttyq ar-namysy men qadir-qasıetine nuqsan keltirýge baǵyttalǵan, olardy «vatnıkter» dep atap jazbalar jarııalap, orys ulty azamattaryn ulty men násiline qaraı kemsitýge jol berip, orys ultyna jatatyn adamdarǵa qatysty kúsh qoldanýǵa shaqyrǵany sot anyqtaǵan. Sonymen qatar, sottalýshy B., «Facebook» áleýmettik jelisinde ózin ult patrıoty retinde kórsetip, memlekettik júıeni ózgertýge shaqyryp, bılikti kúshtep basyp alýǵa jáne konstıtýsııalyq qurylysty kúshtep ózgertýge úgittep, bılikke Qazaqstan Respýblıkasynan tys jerde júrgender qylmyskerlerdi ákelýdi usynǵan. Sottalýshy N. «Facebook» áleýmettik jelisinde osyǵan uqsas jarııalanymdarǵa jol berip, sybaılas jemqorlyqqa qarsy túbegeıli sharalardy usynǵan" delingen sot habarlamasynda.
 
Sot belsendi Marǵulan Boranbaıdy bas bostandyǵynan aıyryp qana qoımaı, 3 jyl merzimge buqaralyq aqparat quraldaryn jáne telekommýnıkasııa jelilerin paıdalana otyryp, qoǵamdyq-saıası qyzmetpen aınalysýǵa tyıym saldy.
 
Belsendiler kinálaryn moıyndamady. Sot sheshimi áli kúshine engen joq.
 
Sot sheshimine áleýmettik jelide narazylyq bildirip jatqandar kóp. Olardyń qatarynda májilis depýtattary Erlan Saırov pen Qazybek Isa sot sheshimi ádil emes dep sanaıdy. Qazybek Isa "máselege baılanysty iske kirisin jatqanyn jazdy"
 
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir