23 Aqpan, 2022 NEWS О́zgertý

"Toqaev ózi aıtqan birinshi synaqtan súrindi". Ýtılalym mólsheri kóptiń kóńilinen shyqpaı otyr

Kórneki sýret

QR premer-mınıstriniń birinshi Roman Sklıar ýtılızasııalyq alym kólemin 50 paıyzǵa deıin tómendetý týraly sheshim qabyldanǵanyn málim etti.

Alaıda bul jańalyqqa qýanyp jatqandar kóp emes. "Ýtılalymǵa jol joq" tobynyń belsendisi Nýrıddın Sadyqov bir kún buryn ýtılızasııalyq alym stavkasyn 50 paıyzǵa deıin tómendetý týraly sheshim qabyldanyp jatsa, kelispeıtinin málimdegen.

Áleýmettik jelidegi áńgime aýanyna qarap ta úkimet sheshimin quptap otyrǵandar joqqa tán ekenin ańǵarýǵa bolady.

Jýrnalıst Rıza Turdaqynqyzy qabyldanǵan sheshim halyqty aldaý dep sanaıdy.

"50% ge tústi, ýtılalym. Al, buryn jınalǵan 200 mlrd-tyń, 100 mlrdy 4% -tik avtonesıege jumsalady. Alǵashqy jarna 0 teńge bolmaq. Sóıtip ókimet halyqtyń óz aqshasyn ózine nesıe etip berip otyr. Onda da arzan kólikterge ǵana beriledi, bul nesıe. Mazaq etý ǵoı bul! Shýlaǵan qalyń kedeıge súıek laqtyryp otyrǵandaı kórinedi ǵoı!

Al, baryńdar endi press týrǵa. Sózim joq. Qatty ashýlymyn!

Máz bolyp press-týrǵa bardyńdar. Al, Sklıar ony jeleý etip, bizde óndiris bar dep maqtanyp otyr. Jem bolyp halyq qaldy!

Ýtılalymnyń sharýasy sheshilgenshe barmaı tura turýǵa, shýlap júgire jónelmeýge bolmas pa edi. Obal joq qoı, obal joq!" deıdi ol.

Al jýrnalıst Serik Joldasbaı ýtılalym mólsherin tómendetý máselesi prezıdent Toqaev úshin synaq bolǵanyn, prezıdent sol synaqtan súringenin aıtady.

"Úkimet ýtılalymdy 50 paıyzǵa tómendetti. Demek Qasym-Jomart Toqaev halyqtyń emes, olıgrahtardyń múddesi jumys istedi. Keıbir azamattar "Toqaevty qoldaýymyz kerek" degendi jıi aıtady. О́zi bergen ýádeni oryndaı almaıtyn mundaı bosbelbeý prezıdenti kim qoldaıdy? Halyqtyń qoldaýyn alý úshin baı-baǵlannyń emes, halyqtyń múddesine qyzmet etýi kerek edi. Toqaev úndeýde ózi aıtqan birinshi synynan súrindi. Endi naýryzdaǵy saıası reformasy sátti bolmasa, onda halyq Toqaevty taqtan taıdyrady" deıdi jýrnalıst.

Qańtar oqıǵasynan keıin prezıdent Qasym-Jomart Toqaev úkimetke ýtılızasııalyq alym stavkasyn qaıta qaraýdy jáne "Operator "ROP-tyń" qyzmetin toqtatýdy tapsyrǵan. Ashyq derekkózderde "Operator "ROP" eks-prezıdent Nursultan Nazarbaevtyń kenje qyzy Álııa Nazarbaevaǵa tıesili ekeni aıtylady.

19 qańtarda úkimet "О́KM Operatory" JShS-nyń (Operator ROP) qyzmetin toqtatyp, óndirýshilerdiń keńeıtilgen mindettemelerin, ákimshilendirý fýnksııalaryn memlekettik uıym – "Jasyl damý" AQ oryndaıtynyn habarlaǵan. Uzamaı jýrnalıst Vadım Boreıko ýtılalym jınaıtyn jańa uıym retinde belgilengen "Jasyl damý" aksıonerlik qoǵamyna Álııa Nazarbaevanyń qatysy bar ekeni týraly jazdy. Buǵan qatysty úkimet reaksııa tanytqan joq.

"Qamshy" silteıdi

Ilmek sózder: ýtılalym