• USD 431.41

  • EUR 452.94

  • RUB 6.92

  • CNY 63.83

20 Mamyr, 10:13:19
Almaty
+18°

Prezıdent Qasym-Jomart Toqaev Berik Imashevti Ortalyq saılaý komıssııasynyń tóraǵasy qyzmetinen bosatty. Bul týraly memleket basshysynyń baspasóz hatshysy Berik Ýálı habarlady.

"Memleket basshysynyń Jarlyǵymen Berik Májıtuly Imashev Qazaqstan Respýblıkasy Ortalyq saılaý komıssııasynyń tóraǵasy laýazymynan bosatyldy" delingen habarlamada.

Berik Imashev 1960 jyly 7 maýsymda Almaty qalasynda dúnıege kelgen. 1982 jyly Lomonosov atyndaǵy MMÝ "Zańger" mamandyǵy boıynsha bitirgen.

2000-2001 jyldary Tabıǵı monopolııalardy retteý, básekelestikti qorǵaý jáne shaǵyn bıznesti qoldaý jónindegi agenttiktiń tóraǵasy bolyp jumys istedi. 2001-2003 jyldary - Astana qalasynyń advokattar alqasynyń múshesi. OSK basshysy bolyp 2016 jyldyń qyrkúıeginen bastap jumys istedi. 2003-2005 jyldary Qazaqstan Qaýipsizdik Keńesi hatshysynyń orynbasary bolyp jumys istedi. 2005-2007 jyldary - Prezıdent Ákimshiligi basshysynyń orynbasary. 2007-2008 jyldary Qazaqstan Respýblıkasy Qaýipsizdik Keńesiniń hatshysy boldy. 2008-2012 jyldary - Parlament Senatynyń depýtaty, Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy. 2012 jyldan 2016 jylǵa deıin ádilet mınıstri qyzmetin atqardy.

Berik Imashev senator eks-prezıdent Nursultan Nazarbaevtyń qudasy. N.Nazarbaevtyń jıeni Nuralı álıev Berik Imashevtyń qyzy Aıda Imashevany alǵan.

Eldegi jappaı tártipsizdikke ulasqan halyq narazylyǵy kezinde Qaýipsizdik keńesi prezıdentke ótkeli Qazaqstannyń eks-prezıdenti Nursultan Nazarbaevtyń jaqyn adamdary qyzmetten shettetilip jatyr.

Buǵan deıin Nazarbaevtyń ortanshy kúıeý balasy Tımýr Qulybaev "Atameken" Ulttyq kásipkerler palatasy tóraǵasy qyzmetinen ketken.

Sondaı-aq prezıdent Nazarbaevtyń nemere inisi Samat Ábish UQK tóraǵasynyń birinshi orynbasary qyzmetinen bosatyldy.

15 qańtarda Nazarbaevtyń taǵy eki kúıeý balasy – "QazTransOıl" AQ basqarma tóraǵasy Dımash Dosanov pen "QazTransGaz" UK" AQ basqarma tóraǵasy Qaırat Sháripbaev qyzmetterinen bosatylǵan.

Dımash Dosanov – Qazaqstannyń burynǵy prezıdenti Nursultan Nazarbaevtyń kishi qyzy Álııa Nazarbaevanyń, al Qaırat Sháripbaev – úlken qyzy Darıǵa Nazarbaevanyń kúıeýi.

18 qańtarda QTJ – júk tasymaly bas dırektorynyń ekonomıka jáne qarjy jónindegi orynbasary Áljan Imashev qyzmetinen ketken bolatyn. Ol Berik Imashevtiń uly.

"Qamshy" silteıdi
Ilmek sózder: Berik Imashev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir