• USD 465.38

  • EUR 483.58

  • RUB 7.69

  • CNY 64.95

26 Qarasha, 19:01:43
Almaty
-3°
Jýrnalıst Vadım Boreıko ýtılalym jınaıtyn jańa uıym retinde belgilengen "Jasyl damý" aksıonerlik qoǵamyna burynǵy operator "ROP"-tyń qojaıyny, eks-prezıdent N.Nazarbaevtyń kenje qyzy Álııa Nazarbaevanyń qatysy bar ekeni týraly jazdy.
 
Jýrnalıst "Jasyl Damý" AQ buryn Ekologııa, geologııa jáne tabıǵı resýrstar mınıstrligine qarasty bolǵanyn, al byltyr "Qorshaǵan ortany qorǵaý jónindegi aqparattyq-saraptamalyq ortalyqpen" birge "Halyqaralyq jasyl tehnologııalar jáne ınvestısııalyq jobalar ortalyǵyna" (is júzinde qazaqstandyq)  berilgenin málim ette.
 
"Bul ortalyq Qazaqstan ekonomıkasyn jasyl ekonomıkaǵa ótkizý úrdisine, ıaǵnı kómirdi qoldanýdy toqtatyp, jańartylatyn energııa kózderin tutynýǵa kóshý isine jaýapty. Bul maqsatta memleket 40 jyldyń ishinde 650 mıllıard dollar jumsamaq. Ony sheteldik bankterden qaryzǵa alady. Endi báske qansha aqsha tigilgenin elestete berińiz. Bastapqyda Halyqaralyq jasyl tehnologııalar jáne ınvestısııalyq jobalar ortalyǵynyń jalǵyz quryltaıshysy Ekologııa mınıstrligi bolǵan. Keıin ortalyq aksııasynyń 50%+1 úlesi Qazaqstannyń ekologııalyq uıymdary qaýymdastyǵyna satyldy. Qaýymdastyqtyń eki quryltaıshysy bar. Biri – Álııa Nazarbaevanyń jeke qory men G-Global koalısııasy. Birinshi quryltaıshynyń esimi ózinen ózi-aq bárin aıtyp tur" deıdi jýrnalıst.
 
Vadım Boreıko ekinshi quryltaıshy G-Global koalısııasynyń úsh quryltaıshysy baryn aıtady. Olardyń bári "Aýyl" partııasy tóraǵasynyń orynbasary Tóleýtaı Rahymbekov pen onyń qyzy Álııaǵa tıesili kompanııalar.
 
Qazaqstannyń ekologııalyq uıymdary qaýymdasty basqarma tóraǵasy Aıgúl Solovıova bolsa, Halyqaralyq jasyl tehnologııalar jáne ınvestısııalyq jobalar ortalyǵy dırektorlar keńesiniń tóraǵasy, "Azamattarǵa arnalǵan úkimet" korporasııasynyń burynǵy basshysy Danııar Erenshinov. Jýrnalıstiń sózinshe, sońǵysy birneshe jyl buryn Maltanyń azamattyǵyn alǵan. Jýrnalıst ortalyqty "sonda shetel azamaty nemese qosazamattyǵy bar adam basqaryp otyr ma" dep saýal qoıady.
 
Eskerte keterligi, Qazaqstanda qosazamattyqqa tyıym salynǵan.
 
19 qańtarda Úkimet "О́KM Operatory" JShS-nyń (Operator ROP) qyzmetin toqtatý týraly sheshim qabyldap, ýtılızasııalyq alym qarajaty esebinen qurylǵan aktıvter memleket menshigine berilgenin málimdegen. О́ndirýshilerdiń keńeıtilgen mindettemelerin, ákimshilendirý fýnksııalaryn memlekettik uıym – "Jasyl damý" AQ oryndaıtynyn habarlaǵan.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir