Foto: Ashyq derekkóz
Bilim jáne ǵylym mınıstrligi stýdentter kóktemgi semestrde dástúrli/aralas formatta oqıtynyn málimdedi.
"Stýdentter úshin kóktemgi semestr 24 qańtarda bastalady. Oqý dástúrli/aralas formatta bolady. Joǵary oqý ornynyń sheshimi boıynsha oqý prosesi tolyǵymen dástúrli formatta nemese aralas formatta uıymdastyrylýy múmkin, ıaǵnı dárister – onlaın, al praktıkalyq jáne semınar/zerthanalyq sabaqtar – offlaın rejımde ótedi" delingen mınıstrlik taratqan habarlamada.
Al, basqa qaladan keletin stýdentter stýdentter úıine nemese jataqhanalarǵa ornalastyrylady.
"О́ńirde turaqsyz epıdemıologııalyq jaǵdaı týyndaǵan jaǵdaıda, 7 aqpanǵa deıin (nemese tıisti óńirdiń bas sanıtarlyq dárigeri belgilegen basqa da kúnder) joǵary oqý oryndary onlaın rejıminde oqytýdy bastap, odan keıin dástúrli/aralas oqytý formatyna aýysa alady" delingen habarlamada.
Sondaı-aq, mınıstrlikpen kelise otyryp, 1 kýrs stýdentterine oqý prosesin onlaın formatta uıymdastyrýǵa ruqsat etiledi.
Aıta keteıik, búgin Bilim jáne ǵylym mınıstrligi mektepke deıingi jáne orta bilim komıteti tóraıymy Gúlmıra Karımova epıdjaǵdaıdyń kúrdelene túsýine baılanysty Nur-Sultan, Almaty jáne Shymkent qalasynda oqýshylar úshinshi toqsandy onlaın formatta bastaǵanyn málimdedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir