• USD 424.85

  • EUR 504.21

  • RUB 5.84

  • CNY 65.86

24 Qańtar, 12:46:31
Almaty
-3°

Prezıdent Qasym-Jomart Toqaev Toqaev Almaty qalasy men Mańǵystaý oblysynda tótenshe jaǵdaı engizý týraly jarlyqqa qol qoıdy. Bul týraly Aqordanyń baspasóz qyzmeti habarlady.

"Azamattardyń qaýipsizdigin jáne qoǵamdyq qaýipsizdikti qamtamasyz etý úshin zańdylyq pen quqyqtyq tártipti qalpyna keltirý, azamattardyń quqyqtary men bostandyqtaryn qorǵaý maqsatynda Memleket basshysy Qasym-Jomart Toqaev Almaty qalasy men Mańǵystaý oblysynda 2022 jylǵy 5 qańtardaǵy saǵat 01:30-dan 2022 jylǵy 19 qańtardyń saǵat 00:00 kezeńi aralyǵynda tótenshe jaǵdaı engizý týraly jarlyqqa qol qoıdy.

Prezıdent televızııa arqyly jasaǵan úndeýinde aıtqandaı, ishten jáne syrttan bolǵan san túrli aqparattarǵa senip, ereýilge salynǵan toptyń qıturqy áreketteri men tártipsizdikke ermeı, parasatpen jáne aqylmen ǵana sheshim qabyldaıdy dep úmittenedi", delingen habarlamada.

Eske salaıyq, Jańaózen men Aqtaýdyń myńdaǵan turǵyny jańa jyldan keıin baǵasy kúrt sharyqtap ketken suıytylǵan gaz baǵasyn túsirýdi talap etip, kóshege shyqqan bolatyn. Olar joldardy jaýyp tastaǵan.

Búgin arnaıy qurylǵan úkimettik komıssııa músheleri  Jańaózen jáne Aqtaý belsendilerimen kelissóz júrgizip, onyń qorytyndysy boıynsha suıytylǵan gaz baǵasy 50 teńgege deıin tómendegen.

Alaıda halyq narazylyǵy basylmaı, adamdar alańnan keter emes. Kerisinshe Jańaózen men Aqtaýǵa ózge de óńirler qosylyp, el tarıhyndaǵy asa aýqymdy halyq narazylyǵy bolyp jatyr. Qazirgi ýaqytta Almatyda beıresmı derek boıynsha 40 myńdaı adam alańda júr. Narazy top saıası talaptar qoıyp jatyr. Olar júıe aýysyp, Qaýipsizdik keńesi arqyly bılikke yqpal etip otyrǵan Nursultan Nazarbaavtyń úlken saıasattan túbegeıli ketkenin qalaıdy.

Keıbir málimetterge qaraǵanda, Almatydaǵy Respýblıka alańynda birneshe polısııa kóligi órtengen. Qala ortalyǵynda granatalardyń dybysy estiledi.



"Qamshy" silteıdi
Ilmek sózder: Almaty Mańǵystaý

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir