Álemde "Omıkron" shtamyn juqtyrǵandar sany artýda

Álemde Omıkron shtamy taralýyna baılanysty, epıdemıologııalyq ahýal nasharlaı bastady.

AQSh-ta “Omıkron” shtamyn juqtyrǵandardyń sany eki kún saıyn eselep artýda. AQSh ulttyq allergııalyq jáne juqpaly aýrýlar ınstıtýtynyń dırektory Entonı Faýkıdiń aıtýynsha, “Omıkron” shtamyn juqtyrý sany bir aptada 8-10%-dan 73% - ǵa deıin ósken. 

Germanııa turǵyndaryna pandemııaǵa baılanysty qarym-qatynasty múmkindiginshe shekteý usynyldy. 28 jeltoqsannan bastap jeke kezdesýlerge eń kóp degende 10 adam qatysa alady dep kútilýde. Vaksınasııalanbaǵan adamdar tek birge turatyn adamdarmen aralasa alady. Sonymen qatar túngi klýbtar men dıskotekalar jabylýy múmkin.

Taıland Phýketten basqa saıahattaýǵa bolatyn barlyq provınsııany sheteldik týrıster úshin ýaqytsha jaýyp tastady. El bıligi barlyq kelýshiler úshin mindetti karantın engizýdi qaıta qarastyrýda.

Ulttyq hokkeı lıgasy oıyn maýsymyn ýaqytsha toqtatý týraly sheshim qabyldady. Lıgada mundaı sheshim koronavırýsty juqtyrǵan oıynshylar men klýb qyzmetkerleri sanynyń kúrt ósýi jáne 50-ge jýyq turaqty chempıonat oıyndaryn májbúrlep kóshirý aıasynda qabyldandy.