• USD 424.85

  • EUR 504.21

  • RUB 5.84

  • CNY 65.86

22 Qańtar, 11:57:32
Almaty
-3°

Aqtóbe oblysy máslıhatynyń depýtaty Bórehan Berkimbaev kólikpen mektep oqýshysyn qaǵyp mert qylǵan balasynyń áreketin aqtamaıtynyn aıtty, dep jazady "Dıapazon" basylymy.

Depýtat óziniń laýazymy balasyna qatysty tergeýge áser etpeıtinin aıtady.

– Bul jaǵdaı – otbasy úshin orny tolmas tragedııa. Kólik rólinde ulym otyrǵany ras. Oqıǵanyń erteńinde qaraly otbasyǵa kóńil aıtyp, shyn peıilimmen janazaǵa qatystym. Ulymdy aqtaýǵa tyryspadym. Ol kináli, sol úshin zańǵa saı jaýap berýge tıis. Qazir ol tergeý ızolıatorynda otyr. Men ulymdy aqtamaımyn, tek áleýmettik jelide jazylyp jatqan túrli áńgimege qatysty aıtarym bar. Ulym sol keshte jattyǵýǵa bara jatqan. Ishimdik ishpegen, esirtki qoldanbaǵan. Onyń bárin saraptama rastap otyr. Internette jazyp jatqandaı, eshkimmen jaryspaǵan. Ulym salmaqty adam. Jumysy, úsh balasy bar. Kóligi eski bolatyn, ony qoldan alǵanbyz. Avarııadan keıin eshqaıda qashyp ketpeı, birden jedel járdem shaqyrdy. Ol óz kinásin 100 paıyz moıyndaıdy, zańǵa sáıkes jazalanady da. Men ulyn joǵaltqan áýlettiń qaıǵysyn túsinemin, onyń ornyn toltyrý múmkin emes. Tek bulaı bolǵanyn eshkim qalamaǵanyn, mundaıdan eshkim saqtandyrylmaǵanyn ǵana aıtqym keledi. Meniń depýtat ekenim tergeý barysyna áser etpeıdi. Bul kerisinshe qıyndata túsedi. Mundaı jaǵdaıdy eshkimniń basyna tilemeımin, –  deıdi depýtat.

3 jeltoqsanda Aqtóbede júrginshilerge arnalǵan jolda "Land Cruiser Prado" avtokóligi 15 jastaǵy balany qaǵyp mert qylǵan. Kólik rólinde oblystyq máslıhat depýtaty Bórehan Berkimbaevtyń balasy otyrǵan.

Qazirgi ýaqytta kúdiktige qatysty qylmystyq kodekstiń 345-baby 3-bóligi (abaısyzda adam ólimine ákep soqqan jol-kólik oqıǵasy) boıynsha is qozǵalǵan.

"Qamshy" silteıdi
Ilmek sózder: jol-kólik oqıǵasy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir