• USD 424.85

  • EUR 504.21

  • RUB 5.84

  • CNY 65.86

22 Qańtar, 11:40:55
Almaty
-3°
Qarjy naryǵyn retteý jáne damytý agenttigi áleýmettik jelilerde jáne messendjerlerde ıpotekalyq turǵyn úı qaryzdary boıynsha "kredıttik raqymshylyq" jarııalandy degen aqparattyq teriske shyǵardy.

Agenttik málimetinshe, qazirgi ýaqytta 2007-2008 jyldardaǵy álemdik qarjy daǵdarysynan, sondaı-aq ulttyq valıýta baǵamynyń álsireýinen barynsha zardap shekken ıpotekalyq qaryz alýshylardyń jeke sanatyna kómek kórsetý úshin 2015 jyldan beri Ipotekalyq qaryzdardy qaıta qarjylandyrý baǵdarlamasy júrip jatyr.

Baǵdarlama talaptary boıynsha qarjylyq qoldaý 2004-2009 jyldar aralyǵyndaǵy kezeńde ıpotekalyq qaryz alǵan, sondaı-aq 2016 jylǵy 1 qańtarǵa deıin valıýtalyq ıpotekalyq qaryz alǵan qaryz alýshylarǵa kórsetiledi.

"Baǵdarlamada belgilengen qarjylaı kómek sharalary jalǵyz baspanasy bar qaryz alýshylar jáne halyqtyń áleýmettik osal toptary sanatyndaǵy boryshkerler úshin paıyzdyq mólsherlemeni 3%-ǵa deıin tómendetýdi kózdeıdi. Qalǵan valıýtalyq ıpotekalyq qaryz alýshylar úshin paıyzdyq mólsherleme 12%-dan aspaıdy. Budan basqa, baǵdarlama sheńberinde syıaqy, aıypaqy (ósimpul, aıyppuldar) jáne komıssııalar boıynsha merzimi ótken bereshek esepten shyǵaryldy. Valıýtalyq ıpotekalyq qaryzdarǵa qatysty bereshekti Ulttyq Banktiń 2015 jylǵy 18 tamyzdaǵy baǵamy boıynsha (1 AQSh dollary úshin 188,35 teńge) teńgege konvertasııalaý júrgizildi delingen agenttik habarlamasynda.

Agenttik 2020 jylǵy qańtardan bastap baǵdarlamaǵa qatysatyn halyqtyń áleýmettik osal toptary sanatyndaǵy ıpotekalyq qaryz alýshylar úshin qosymsha kómek sharalary iske asyrylyp jatqanyn aıtady.

"Mundaı qaryz alýshylarǵa qoldaýdy bankter olardyń qarjylyq jáne áleýmettik jaǵdaıyn jan-jaqty taldaý negizinde jeke tártippen kórsetýde, taldaý nátıjelerinen keıin bankter qaryz boıynsha bereshekti tómendetý jáne 20 000 teńge mólsherindegi aı saıynǵy tólemmen jeńildik berilgen kesteler belgileý týraly sheshim qabyldaıdy. Qaryz alýshylardyń bul sanatyna qoldaý kórsetý 2021 jyldyń sońyna deıin aıaqtalady" degen mekeme azamattardy resmı ári tekserilgen derekkózderden taratylǵan aqparatqa senýge shaqyrdy.

Sondaı-aq aqparattyq habarlamada kredıttik raqymshylyqty júrgizý zańnamalyq túrde kózdelmegeni, agenttikte halyqtyń kredıtter boıynsha bereshegin esepten shyǵarý boıynsha sheshim qabyldaý ókilettikteri joq ekeni aıtylady.

Buǵan deıin nesıe amnıstııasyn jarııalaýdy talap etip júrgen belsendi, Demokratııalyq partııa yntaly tobynyń jetekshisi Janbolat Mamaı Qarjy naryǵyn retteý jáne damytý agenttigi ǵımaratynyń aldynda bir áıeldiń "eki kredıtim keshirildi" dep aıtqanynyń vıdeosyn jarııalaǵan.

"Qamshy" silteıdi
Ilmek sózder: Kredıttik raqymshylyq

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir