Foto: Aqorda saıty
Qazaqstan tuńǵysh prezıdenti Nursultan Nazarbaev ózine berilgen tarıhı mıssııany oryndaýda aıanyp qalmaǵanyn aıtady. Bul týraly ol "Táýelsizdik taǵylymy" atty maqalasynda jazdy.
– Adamzat tarıhyndaǵy eń aıtýly oqıǵalarǵa toly ǵasyrlar toǵysynda elimizdi basqarý maǵan úlken senimmen qatar zor jaýapkershilik júktedi. Men ózim basshylyq etken otyz jylǵa jýyq ýaqyt boıyna týǵan halqymnyń senimin aqtaý úshin bar kúsh-jigerimdi aıanbaı jumsadym. Erlik pen eldikti tý etken, jasampazdyqty jalaý etken halqymyzdyń derbes memleket qurǵanynyń otyz jyldyq torqaly toıy qarsańynda táýelsizdikten taǵylym alý úshin búgin týǵan halqymmen oı bólisýdi jón kórdim. Táýelsizdiktiń mán-maǵynasy týraly túrli ǵylym ókilderi ózinshe tujyrym jasaıtyny anyq. Biraq bir nárse aqıqat, ol – ata-babalarymyzdyń azattyq jolyndaǵy jan alysyp, jan berisken san ǵasyrlyq kúresiniń zańdy jalǵasy, halyqaralyq qujattarmen bekitilip, máńgilikke berilgen syıy. Táýelsizdikke barar qıyn joldardaǵy sansyz kóp shaıqastar men kóterilisterde qanshama qaharman babalarymyz sheıit boldy. Olardy eske alý, qurmetteý – bizdiń paryzymyz. Sondyqtan biz jańa zamanda qantógiske jol bermeı, qasıetti kıemiz – táýelsizdikke sabyr men tózimdilik, aqyl men parasat arqyly qol jetkizdik, – deıdi ol.
Nazarbaev maqalada Qazaqstannyń arǵy-bergi tarıhyna az-kem toqtalyp, táýelsizdik jarııalaǵan tustaǵy oqıǵalardy aıta kele Qazaqstannyń 30 jylda júrip ótken jolyna ózinshe baǵa bergen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir