Koronavırýstyń jańa mýtasııasy "Omıkron" shtammynyń belgileri qandaı?

Dúnıejúzilik densaýlyq saqtaý uıymy koronavırýstyń jańa shtammy "Omıkronnyń" qaýpi joǵary ekenin aıtyp dabyl qaǵýda. Uıym málimdemedesinde "Omıkron" týraly zertteýler áli júrgizilip jatqanyn aıta kele, adamdarǵa ázirge shet elderge saıahatqa shyqpaýǵa keńes berdi. Omıkron vırýsynyń belgileri  qandaı, vırýsty juqtyrǵan adam ólip ketýi múmkin be? 

"Omıkron" shtammy alǵash ret Ońtústik Afrıkada paıda boldy. Buǵan deıin DDSU "Omıkron" shtammy jetkilikti deńgeıde zerttelmegenin, onyń "Delta" shtammynan qaýipti bolýy múmkin dep qorytyndy jasaýǵa áli erte ekenin eskertken. 

26 qarashada DDSU koronavırýstyń jańa, tez mýtasııalanǵan nusqasy anyqtalǵanyn resmı túrde jarııalady.

Dúnıejúzilik densaýlyq saqtaý uıymy koronavırýstyń jańadan paıda bolǵan jáne "qatty mýtasııalanǵan" nusqasyn talqylaý úshin arnaıy keńes ótkizdi. Kezdesýden keıingi málimdemede "Omıkron" dep atalatyn jańa shtammnyń juǵý joly men qaýpi joǵary bolatyny habarlandy.

Omıkron shtammy ólimge ákelip soǵa ma?

"Aldyn ala qorytyndylar jańa shtamnyń juǵý joly men qaýpi joǵary", delingen DDSU habarlamasynda.

Jańa shtammnyń belgileri qandaı?

DDSU medısına qaýymdastyǵynyń jetekshisi jańa shtamm belgileri bastapqy kezeńde koronavırýstyń ádettegi belgilerinen ózgeshe jáne jeńil bolyp kórinetinin atap ótti. Sondaı aq "qatty sharshaý, júrek soǵý jyldamdyǵy men joǵary temperatýra bolýy múmkin. Alaıda dám men ıis sezý joǵalmaıdy" delingen habarlamada.

Qazirgi ýaqytta jańa shtammǵa qoldanystaǵy vaksınalar tıimdiliginiń bar-joǵyna qatysty zertteýler júrgizilýde. Jańa nusqanyń "Delta" túrlerine qaraǵanda juqpaly bolýy jáne vaksınalardyń osy nusqaǵa qarsy tıimdiligi az bolýy múmkin degen qorytyndy búkil álemde alańdaýshylyq týdyryp otyr.

"Omıkron" Eýropanyń birneshe elinde, tap aıtqanda Germanııa, Chehııa, Italııa, Ulybrıtanııa, Nıderlandy jáne Belgııada anyqtaldy. Sondaı-aq, Gonkong, Izraıl jáne Aýstralııada vırýstyń osy nusqasy tirkelgeni habarlandy.