• USD 425.02

  • EUR 450.1

  • RUB 7.17

  • CNY 63.75

22 Mamyr, 17:27:20
Almaty
+11°

11 qarasha kúni Aqtóbe oblysynyń ákimi Ońdasyn Orazalın  Hromtaý aýdanynyń Tasótkel jáne Aqbulaq aýyldaryndaǵy aýylishilik gaz qubyrlaryn iske qosý rásimine qatysty.
Eldi mekenderge gaz berý óńirlerdi 2025 jylǵa deıin damytýdyń memlekettik baǵdarlamasy aıasynda jalpy uzyndyǵy 78,6 shaqyrymdyq aýylaralyq gaz qubyrlarynyń qurylysy aıaqtalǵan soń múmkin boldy. Quny 750 mln-nan asatyn jobany «Babek Qurylys» JShS merdiger mekemesi júzege asyrdy.
Gaz qosý rásiminen keıin oblys ákimi jańa gaz quralynyń jumysyn kórsetken aýyl turǵyndarynyń úıine kirip shyqty.
«Qysta biz birneshe tonna kómir jaǵyp keldik, al ol - otbasylyq bıýdjetke edáýir salmaq. Kún saıyn ot jaǵý da qıyn. Biz gazdyń kirgenine óte qýanyshtymyz jáne oblys basshylyǵyna osylaı qoldaý kórsetkeni úshin alǵysymyz sheksiz»,- dedi Tasótkel aýylynyń turǵyny Svetlana Saǵyrova.
Ońdasyn Orazalın aýyl turǵyndaryn quttyqtap, jumysshylarǵa jumysty belgilengen ýaqytynda oryndaǵandary úshin rahmet aıtty.
О́ńir basshysy: «Memleket basshysynyń tapsyrmasymen aýyl-aımaqtardy damytý, aýyldarda  qolaıly jaǵdaı jasaý jumystary jalǵasatyn bolady»,- dep sendirdi.

Aıta keteıik, qazirgi tańda Hromtaý aýdanynyń  99 %-y gazben qamtylǵan.
Oblys ákimi aýdanǵa jumys sapary kezinde sondaı-aq, uzyndyǵy 25,2 jáne 28,6 shaqyrym bolatyn Tabantal men Tassaı aýyldarynyń kire beris joldarynyń aıaqtalǵan jóndeý jumystaryn qarap shyqty. Jumysty oryndaǵan - «AssanaDorStroı» JShS. О́ńirlerdi damytý baǵdarlamasy aıasynda «Aral qurylysy» JShS merdiger mekemesi Tasótkel aýylyna kiretin joldy jóndep jatyr. 
Avtomagıstraldiń jalpy uzyndyǵy 33,4 shaqyrymdy qurasa, onyń 14 shaqyrymyna endigi asfalt jabyndysy tóselip qoıdy. Hromtaý qalasynda oblys ákimi osy kúzde bıznestiń áleýmettik jaýapkershiligi aıasynda abattandyrylǵan kópqabatty úılerdiń tórt aýlasyn qarap shyqty. «ERG» kompanııasy bul maqsatqa 175 mln teńge jumsady.
«Bıyl úılerimizdi abattandyrý jumystary bastalǵanda qatty tańǵalǵanbyz. Turǵyndar rıza, rahmetterin aıtyp keledi. Barlyq aýlada jaryq bar»,- dedi «Natasha» PIK tóraıymy Alla Boıchenko.
«Hromtaý qalasyndaǵy aýlalardy, qoǵamdyq keńistikterdi jaqsartý jumystary jalǵasatyn bolady. «Qazhrom» TUK bul iske de at salysýǵa daıyn, óıtkeni munda bul kompanııanyń myńdaǵan jumysshysy otbasylarymen turady»,- dedi qala turǵyndarymen tildesken oblys ákimi.

О́ńir basshysy sondaı-aq, Hromtaý qalasyndaǵy Okraın, aǵaıyndy Jubanovtar, Ospanov, Jýteev ı Bıkeshev sııaqty bes kósheniń qalpyna keltirý jumystaryn qarap shyqty. Jol qurylysy jumystary óńirlerdi damytý baǵdardamasy aıasynda júzege asyrylýda.

Aqtóbe oblysy ákiminiń baspasóz qyzmeti
"Qamshy" silteıdi
Ilmek sózder: Aqtóbe oblysy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir