"Qar, kóktaıǵaq, jel". Demalys kúnderine arnalǵan aýa raıy boljamy jarııalandy

"Qazgıdromet" 20-22 qarashaǵa arnalǵan aýa raıy boljamyn jarııalady.

Sınoptıkterdiń aıtýynsha, respýblıkanyń shyǵysynda jaýyn-shashynsyz aýa raıy saqtalady. Eldiń batysynda aýa raıy turaqsyz bolady.

22 qarashada Qazaqstannyń kóp bóliginde jaýyn-shashyn, qar, kóktaıǵaq, jel, soltústik jartysynda burqasyn kútiledi.

Batysta aýa temperatýrasy túnde 2 gradýs sýyqtan +5 gradýsqa deıin kóterilýi múmkin. Kúndiz 10 gradýsqa deıin jyly bolýy yqtımal. Elimizdiń soltústik-batysynda, soltústiginde túnde 6-dan 16 gradýsqa deıin aıaz bolsa, kúndiz 9 gradýsqa deıin aıaz bolýy múmkin. Respýblıkanyń shyǵysy men ortalyǵynda túnde 18-den 28 gradýsqa deıin, kúndiz +3-ten 15 gradýsqa deıin aýa temperatýrasynyń tómendeýi kútiledi. Ońtústik óńirlerde túnde +3 gradýstan 15 gradýsqa deıin aıaz bolsa, kúndiz 15-ke gradýsqa deıin kún jylynýy múmkin.