AQSh Beıjiń Olımpıadasyna boıkot jarııalamaq

AQSh prezıdenti Djo Baıden 2022 jyly Beıjińde (Qytaı) ótetin qysqy Olımpıada oıyndaryna AQSh dıplomatııalyq boıkot jarııalaýdy qarastyratynyn aıtty.

Meksıka jáne Kanada basshylarymen kelissózder aldynda "Bul – biz qarastyryp jatqan nárse" dedi Baıden jýrnalısterge.

Dıplomatııalyq boıkot oıyndarǵa AQSh sheneýnikteriniń jiberilmeıtinin bildiredi. Bul sheshim AQSh-Qytaı qarym-qatynasyndaǵy shıelenistiń artýy tusynda qabyldandy.

Dúısenbide Baıden men Qytaı basshysy Sı Szınpın vırtýal kelissóz ótkizgen.

Baıdenniń baspasóz hatshysy Djen Psakı AQSh pen Qytaı basshylary úsh saǵattyq kezdesýde Olımpıadany talqylamaǵanyn aıtty.

Demokratııalyq jáne Respýblıkalyq zań shyǵarýshylar Qytaıdaǵy adam quqyqtarynyń buzylýyna narazylyq bildirý quraly retinde dıplomatııalyq boıkot jarııalaýǵa shaqyrdy.

Halyqaralyq uıymdar jáne kóptegen demokratııalyq elder Qytaıdy "Shyńjań avtonomııasynda turatyn uıǵyr, qazaq sııaqty musylman azshylyqtarǵa genosıd jasady" dep aıyptaıdy.

Sonymen qatar, Beıjińniń Gonkongtaǵy saıası bostandyqtardy basyp-janshý áreketine qatysty da shıelenis kúsheıdi.