• USD 424.85

  • EUR 504.21

  • RUB 5.84

  • CNY 65.86

21 Qańtar, 18:00:02
Almaty
-2°

Foto: Shymkent qalasy ákiminiń baspasóz qyzmeti

Shymkentte Nur Otan partııasynyń «О́zgerister joly: Ár azamatqa laıyqty ómir!» atty 2021-2025 jyldarǵa arnalǵan Shymkent qalasy boıynsha saılaýaldy baǵdarlamasyn júzege asyrýdyń Jol kartasy aıasynda «Bıznestiń jol kartasy-2025» jáne «Qarapaıym zattar ekonomıkasy» baǵdarlamasy boıynsha iske asyrylyp jatqan jobalar kóp.Búgin sondaı jobalardyń iske asyrylýyn Shymkent qalalyq maslıhatynyń depýtattary baqylap qaıtty. Bul týraly qalalyq kásipkerlik jáne ındýstrıaldy-ınnovasııalyq basqarmasy málimdedi.

«Lux Shoes» JShS – aıaq kıim óndirisimen aınalysady. Memlekettik baǵdarlama arqyly tómengi paıyzdyq stavkamen 200 mln teńge nesıe alyp, jumysyn bastaǵan. Búginde kásipker 120 myń jup aıaq kıim óndiredi. Taza bylǵarydan tigiledi. Sondyqtan otandyq ónimge degen suranys joǵary.

«LUX Shoes» JShS aıaq kıim fabrıkasyna jabdyqtardy satyp alý úshin «ATF Bank» AQ arqyly 15%-ben «Qarapaıym zattar ekonomıkasy» memlekettik baǵdarlamasy aıasynda nesıe rásimdep, onyń 9% memleket tarapynan sýbsıdııalanyp, kásipker nebári 6% ózi tóleıdi.

Foto: Shymkent qalasy ákiminiń baspasóz qyzmeti

Aıta ketý kerek, fabrıka «Ońtústik» arnaıy ekonomıkalyq aımaǵynda ornalasqan. Iаǵnı salyq boıynsha jeńildikter bar. О́ndiriske qajet jaryq pen kógildir otynǵa da jeńildik qarastyrylǵan.

Otandyq ónimdi damytýdy qalaıtyn kásipkerlerge barsha múmkindik qarastyrylýda.

«Lux Shoes» JShS-niń negizgi maqsattarynyń biri Ortalyq Azııa elderinde ónimdi ótkizý naryǵyn jaýlaý, sondaı-aq Qazaqstannyń eń úzdik básekege qabiletti kásiporyndarynyń qataryna kirý bolyp tabylady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir