• USD 424.85

  • EUR 504.21

  • RUB 5.84

  • CNY 65.86

29 Qarasha, 12:12:44
Almaty
+6°

Búgin májilis spıkeri Nurlan Nyǵmatýlınniń tóraǵalyǵymen palata bıýrosy ótip, onda aldaǵy jalpy otyrystyń kún tártibi naqtylandy.

Bıýro otyrysynda depýtattar qaraýyna Qazaqstan Respýblıkasyndaǵy Adam quqyqtary jónindegi ýákil týraly jáne oǵan ilespe zań jobalary birinshi oqylymda usynylady. Adam quqyqtary jónindegi ýákil qyzmetiniń máseleleri boıynsha Ákimshilik quqyq buzýshylyq týraly jáne Salyq kodeksterine ózgerister men tolyqtyrýlar engizý kózdelip otyr.

Kún tártibiniń jobasynda janýarlarǵa jaýapkershilikpen qaraý týraly zań jobasyn birinshi oqylymda ilespe túzetýlerimen qaraý qarastyrylǵan. Sondaı-aq birinshi oqylymda Ákimshilik quqyq buzýshylyq týraly kodekske janýarlarǵa jaýapkershilikpen qaraý máseleleri boıynsha túzetýler  engizý týraly josparlanǵan.

Osy zań jobasynyń negizgi mindetteri – janýarlarǵa qaraý kezinde jalpy jáne arnaıy talaptar belgileý, janýarlardy qatygez qaraýdan, azap pen qyrylýdan qorǵaý, janýarlardy qatygezdikpen óltirýge jol bermeý, qoǵamnyń adamgershiligi men izgiligin nyǵaıtý, qańǵybas janýarlardyń sanyn retteý salasyndaǵy aqparattyń qaýipsizdigin, ashyqtyǵyn, azamattardyń ózge de quqyqtary men zańdy múddelerin qamtamasyz etý.

Sonymen qatar, májilistiń beıindi komıtetteri aldaǵy jalpy otyrysta Qazaqstan Respýblıkasynyń halyqaralyq sharttary týraly zań jobasyn jáne Salyq jáne bıýdjetke tólenetin basqa da mindetti tólemder týraly Salyq kodeksin jumysqa alady.

Májilistiń baspasóz qyzmeti

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir