Foto: vıdeodan skrınshot
Pavlodarlyq belsendi, qazaq tilinde qyzmet kórsetýdi talap etip júrgen Rýza Beısenbaıtegi ózin polısııa qalaı ustap alyp ketkenin aıtyp berdi. Bul týraly ol Dıas Quzaıyr youtube arnasyna málim etti.
Keshe belsendi ustalyp, birneshe saǵat polısııa bóliminde otyrǵan.
Ol syrtqa jumystarymen shyqqan ýaqytta eki polıseı esh eskertpesten, kúshtep kólikke otyrǵyzǵanyn aıtady.
– Kúshtep mashınaǵa tyqty da jáıden jaı alyp ketti. Eshqandaı sebepti aıtpady. Men prokýrordy shaqyrýdy talap ettim. Kezekshi prokýror kelgen joq. Soǵan qaraǵanda oblystyq prokýror Abdyhanov (Qaırat Abdyhanov - red) ta meni zańsyz ustaýdy quptap otyr. Sosyn maǵan "siz 134-bappen orys tilindegi aqparatty julyp alǵanyńyz úshin sottalasyz" degen hattama keldi, – deıdi ol.
Belsendi óziniń ústinen aryzdanǵan kóshi-qon polısııasynyń qyzmetkerleri "úkimet qaǵazyn jyrtyp tastady" degendi aıtyp otyr deıdi. Rýza Beısenbaıtegi bul áreketke májbúrli túrde barǵanyn aıtady. О́ıtkeni buǵan deıin talaı márte ótinish, eskertý jasap júrip, ótinish blankterdiń qazaq tilindegi úlgisin usynýǵa qol jetkize almaǵan. Ol Qytaıdan, Monǵolııadan kelgen oryssha bilmeıtin qandastar mundaı qujattardy túsinbeı, túrli qıyndyqqa tap bolady deıdi. Belsendige buǵan deıin esimin atamaýdy ótingen shetelden kelgen qandas kóshi-qon polısııasy yqtııar hattan bastap, ózge de qujattardy jasaýǵa 200 myń teńge suraǵanyn jetkizgen. Sózinshe, kóshi-qon polısııasy para alý úshin ádeıi qazaqsha qyzmet kórsetpeı, tek oryssha ǵana sóıleıdi. Ol azamattardyń Qazaqstanda memlekettik tilde qyzmet alý quqyǵy taptalyp jatqanyna, quzyrly organdardyń sol quqyqtyń saqtalýyna beı-jaı qaraıtynyna ashynady.
Rýza Beısenbaıtegi jýyrda áleýmettik jelige kóshi-qon polısııasy qyzmetkerleriniń qazaqsha qyzmet kórsetpegeni týraly vıdeo jarııalaǵan. Artynsha vıdeodaǵy adamdar tarapynan ózine aqparattyq shabýyl jasalyp jatqanyn málim etken.
Belsendi buǵan deıin Qamshy saıtyna sońǵy ýaqytta halyqtyń ulttyq sana-sezimi oıanyp jatqanyn baıqaǵanyn, buryn qazaq tilinde qyzmet suraýshylarǵa qatysty ara-tura óreskel zań buzýshylyqtar bolyp turǵanyn, qazir ondaı áreketer joq ekenin aıtqan.
Alaıda sońǵy ýaqytta elde qazaq tiline baılanysty daý jıilep ketti.
Qyrkúıeketiń basynda Til maıdany qozǵalysynyń jetekshisi Qýat Ahmetovtyń ústinen bas prokýratýra qylmystyq kodekstiń 174-baby (Áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý) boıynsha qylmystyq is qozǵap, belsendi Qazaqstannan ketýge májbúr bolǵan.
Al oǵan deıin "Til maıdany" qozǵalysy belsendileriniń qazaqsha qyzmet kórsetýdi talap etken áreketterine baılanysty Reseıdiń birqatar baspasóz quraldary "Qazaqstanda orys tiline qysym jasalyp otyr" dep aqparat taratty.
Uzamaı prezıdent ákimshiligi tóraǵasynyń birinshi orynbasary Dáýren Abaev belsendilerdiń áreketin "úńgir patrıotızmi" dep atady. Keı saıasattanýshylar Abaev málimdemesin Máskeý bıligine mundaı áreketter Qazaqstan bıligi tarapynan uıymdastyrylyp otyrmaǵanyn uǵyndyrýǵa tyrysqanymen túsindiredi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir