Qazaqstanda kartop baǵasy taǵy qymbattaıdy

Kartop baǵasy 200-250 teńge, al sábiz odan 30-40 teńgege qymbattaýy múmkin. Bul týraly aýyl sharýashylyǵy mınıstrligi ósimdik sharýashylyǵy ónimderin óndirý jáne qaıta óńdeý departamentiniń dırektory Azat Sultanov aıtty. 

– Maýsymdyq baǵa ósimi kútiledi. Biraq baǵa qoljetimdi bolady. Bizdiń boljamymyzǵa sáıkes, keler jyly maýsym kezinde kartoptyń kelisi 200-250 teńgeni qurasa, sábiz ben qyzylshanyń baǵasy 300 teńgege deıin baryp qalady dep josparlanyp otyr,– dedi ol.

Onyń aıtýynsha otandyq kartop óndirýshiler baǵa turaqtylyǵyn saqtap, ónim tapshylyǵy bolmaýy úshin mamyr aıyna deıin jetetin qor jasap qoıýdy usynyp otyr. 

– Qazir ákimdik tarapynan tıisti jumystar qolǵa alynýy qajet. Kartopty turaqtandyrý qoryna satyp alyp, ony ósiretin sharýalarmen aldyn ala kelisimshart rásimdeýi tıis. Biz óz tarapymyzdan barlyq jumysty jasadyq. Ákimdikterge kartop ósirýshilerdiń tizimin berdik. Negizgi oblystar – Pavlodar, Qaraǵandy, Aqmola men Soltústik Qazaqstan. Qazir kartoptyń qajetti qoryn jasap alsa, kelesi jyly baǵa kúrt kóterilmeıdi. Artynan mamyr aıynda ózbektiń kartoby da keledi. Sondyqtan baǵany ustap turýǵa múmkindik bar, – dedi Azat Sultanov.

Aıta keteıik bıyl kartop pen sábiz baǵasy sharyqtap ketken. Soltústik Qazaqstan oblysynda ónimniń bir kelisi 500 teńgege jetti. Al keıbir óńirlerde sábizdiń bir kelisi 700-800 teńgege jetken.