• USD 468.56

  • EUR 497.56

  • RUB 7.3

  • CNY 67.18

31 Qańtar, 20:49:35
Almaty
-3°

Foto: Shymkent qalasy ákiminiń baspasóz qyzmeti

Shymkent qalasynda 18 qyrkúıek World clean up day Dúnıejúzilik aksııasyna oraı jyl saıynǵy «Birge taza Qazaqstan!» ekologııalyq jobasy aıasynda jalpyqalalyq senbilik óttti.

Qala ákiminiń bastamasymen qolǵa alynǵan tazalyq sharasyna memlekettik qyzmetshiler, kásipkerler, tártip saqshylary, shahar turǵyndary men eriktiler qatysty. Árbir mekeme ózderine júktelgen aýmaqtardy qoqystan tazalady. Ol jumystarǵa 12 myńǵa jýyq turǵyn qatysty.

Senbilikke 100-den asa arnaıy tehnıka jumyldyryldy. Barlyǵy 165 tekshe metr qoqys qala syrtyna shyǵaryldy. Sonymen birge ırrıgasııalyq aryqtar tazalanyp, demalys oryndarynda syrlaý jumystary júrgizildi.

Osy kúni «Jasyl El» jáne «Stýdenttik qurylys» jasaqtarynyń maýsymdyq jobasynyń jabylý saltanaty ótti. Onda qala ákiminiń birinshi orynbasary Sh.Muqan belsendi jastardy marapattady. Bul jobaǵa jalpy qaladaǵy 1200-ge jýyq jastar qamtylǵan.

Qala kelbeti tek sándi de sáýletti úılermen, jasyl jelekti saıabaqtarmen ólshenbeıdi. Kún saıyn kórkeıip kele jatqan Shymkenttiń ajary onyń tazalyǵyna da baılanysty. Sondyqtan árbir qala turǵyny úles qosýy qajet.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir