• USD 468.56

  • EUR 497.56

  • RUB 7.3

  • CNY 67.18

31 Qańtar, 20:59:04
Almaty
-3°

Foto: Shymkent qalasy ákiminiń baspasóz qyzmeti

Prezıdent keshegi halyqqa arnaǵan Joldaýynda agro-óndiriste qordalanǵan máselelerdi sheship, taýarlardyń baǵasyn turaqtandyrý boıynsha jumystardy kúsheıtýdi aıtqan bolatyn.

Shymkent qalasynda qazirgi tańda jalpy óndiriste tamaq óndirisiniń úlesi 20 paıyzdy qurap otyr. Qalanyń megapolıs bolýyna baılanysty, aýyl sharýashylyǵy jerleri jyl saıyn azaıýda, osy sebepti qalada basymdylyq – agro-óndiriske beriletin bolady.

Búginde aýylsharýashylyq ónimderin tereń óńdeýge baǵyttalǵan «Bozaryq» tamaq ónerkásibi ındýstrıaldy aımaǵyn qurý jumystary júrgizilýde. Indýstrıaldy aımaqty qurý úshin 132 gektardam astam jer telimi qarastyrylyp, búgingi tańda jer ıelerimen kelissózder júrgizý nátıjesinde memleket muqtajyna qaıtarý kelisildi. Aımaqqa ınfraqurylym tartý jumystary boıynsha tehnıkalyq ekonomıkalyq negizdeme daıyndalyp, bıýdjetten qarjy qaraldy.

Indýstrıaldy aımaq eki kezeńde iske asatyn bolady. Birinshi kezeń 2022-2023 jyldary júrgizilse, ekinshi kezeń 2023-2025 jyldary júzege asyrylady. Máselen, keler jyly bıologııalyq qospalary bar qunarly qurama jem óndirisin salý jáne sút óndirý zaýytyn salý, jemis pen kókónisti qaıta óńdeıtin jáne konservileý syndy kásiporyndar salý boıynsha 6 ınvestordan ótinim túsken. Olardyń jalpy quny 6,7 mlrd. teńgeni quraıdy. Jańa 600-den astam jumys orny ashylatyn bolady.

Joǵaryda atalǵan qaıta óńdeý kásiporyndary iske qosylǵanda súttiń qaıta óńdeý úlesi 42 paıyzdan, 48%-ǵa deıin, jemis-kókónistiń qaıta óńdeý úlesi 6 paıyzdan, 21 paıyzǵa jetetin bolady.Qaınar bulaq turǵyn alabynda ornalasatyn ındýstrıaldy aımaqta 23 mlrd. teńgege 21 jobany júzege asyrý josparlanýda.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir