• USD 475.51

  • EUR 464.15

  • RUB 8.2

  • CNY 66.85

03 Qazan, 20:29:35
Almaty
+12°

Májilis tóraǵasy Nurlan Nyǵmatýlın bastaǵan parlamenttik delegasııa 6-8 qyrkúıek aralyǵynda Vena qalasynda ótetin Besinshi dúnıejúzilik parlamentter spıkerleriniń konferensııasyna qatysady.

Parlamentaralyq odaq, Avstrııa parlamenti BUU-men ózara is-qımyl kezinde uıymdastyrǵan forýmda parlamentshiler, atap aıtqanda, pandemııadan keıingi damý, onyń ishinde klımattyń ózgerýimen kúresý jáne ekologııalyq turaqtylyqty qamtamasyz etý úshin ekonomıkany reformalaý týraly pikir almasady.

Parlament ókilderi kópjaqty qatynastardy nyǵaıtý, beıbitshilik pen turaqty damýdy qamtamasyz etý úshin dıalog, ózara túsinistik jáne yntymaqtastyq qaǵıdattary negizinde negizgi parlamenttik is-qımyldardy anyqtaıdy. Osy taqyrypta ótkiziletin ınteraktıvti jalpy pikirtalastarda májilis spıkeri Nurlan Nyǵmatýlınniń sóz sóıleýi josparlanǵan.

Sonymen qatar, Nurlan Nyǵmatýlınniń Eýropa jáne Azııa parlamentteriniń, halyqaralyq parlamenttik uıymdardyń basshylarymen, sondaı-aq ulttyq delegasııalardyń ókilderimen eki jaqty kezdesýleri qarastyrylǵan.

Parlament spıkerleriniń árbir bes jyl saıyn ótkiziletin Dúnıejúzilik konferensııasy qaýipsizdik, ekonomıkalyq jáne áleýmettik damý, halyqaralyq quqyq jáne adam quqyqtary, demokratııa jáne genderlik teńdik máselelerin talqylaýǵa arnalady.

Májilistiń baspasóz qyzmeti

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir