Koronavırýs. Bir táýlikte taǵy 100-den astam adam qaıtys boldy

Densaýlyq saqtaý mınıstrligi 31 tamyz kúngi epıdemıologııalyq jaǵdaıdy málimdedi.

Mınıstrik málimetinshe, Qazaqstanda ótken táýlikte PTR arqyly 4320 adamnan koronavırýs, 58 adamnan pnevmonııa anyqtalǵan. 31 tamyzda 98 adam koronavırýstan, 36 naýqas pnevmonııadan kóz jumǵan.

El boıynsha koronavırýsqa tapsyrǵan testi oń nátıje kórsetken jaǵdaılardyń jalpy sany 793 791-ge jetti. Koronavırýs belgileri bar pnevmonııamen aýyrǵandardyń resmı sany – 69 790.

1 qyrkúıektegi málimet boıynsha, 110 420 adam koronavırýs ınfeksııasynan emdelýde, olardyń ishinde 23 744 pasıent stasıonarda, 86 676 naýqas ambýlatorııalyq deńgeıde em qabyldaýda.

1704 adamnyń jaǵdaıy aýyr, 493 pasıenttiń jaǵdaıy óte aýyr, 241 naýqas О́JJ apparatynda jatyr.

Birinshi qyrkúıektegi jaǵdaı boıynsha koronavırýstyń taralýy boıynsha "jasyl" aımaqta Túrkistan oblysy tur.

"Sary" aımaqta Shyǵys Qazaqstan, Jambyl oblystary bar.

Al "qyzyl" aımaqta Nur-Sultan, Almaty, Shymkent qalalary, Aqmola, Aqtóbe, Almaty, Atyraý, Batys Qazaqstan,Qaraǵandy, Qostanaı, Qyzylorda, Mańǵystaý, Pavlodar, Soltústik Qazaqstan oblystary bar.

1 qyrkúıektegi málimet boıynsha Qazaqstanda koronavırýs ınfeksııasyna qarsy vaksınanyń 1-komponentin 6 669 969 adam, 2-komponentin 5 438 316 adam saldyrǵan.