"Jarylys bolmaıdy, erýnda". Jambyldaǵy jarylystan aman qalǵan órt sóndirýshi oqıǵany baıandady

Jambyl oblysyndaǵy jarylystan aman qalǵan Almaz esimdi órt sóndirýshi oqıǵanyń qalaı bolǵanyn aıtyp berdi. Bul týraly jýrnalıst Irına Sovetjanqyzy áleýmettik jelidegi paraqshasyna jarııalady.

– Polkovnık jarylmaıdy dedi de, ózi shegine bastady. Jarylatyn zat joq dep basshylarymyzǵa aıtty. Olar da aldanyp qalǵan sııaqty, – dedi órt sóndiýshi.

Onyń aıtýynsha, jarylystan keıin onyń eki kózi kórmeı qalǵan. Keıin ony qasynda júrgen basshysy belinen súırep, beton artyna aparǵan.

– Jarylys bolar kezde biz týra bazanyń aldynda turdyq. Bizdiń basshymyz joǵarydan buıryq alyp, kamazǵa júgirip keldi. Sol kezde jarylys boldy da, kóliktiń esigin julyp áketti. Biz jan-jaqqa ushyp kettik. Kózimdi ashsam, qap-qarańǵy. Eshteńe kórinbeıdi. Qoldarym synyp qalǵan. Basshym menen kóziń kóre me dep surady. Men eshteńe kórinbeıtinin aıttym. Keıin ol meni belimnen súırep, sement artyna alyp keldi. Bárimiz búrkenip jatyp qaldyq. Keıin olardan adasyp qaldym. Qasymda ótip bara jatqan adamdardan kómek suradym. Al jarylys bolardan buryn áskerılerdiń keıin sheginip bara jatqanyn baıqadym. Sanaýly áskerı adam ǵana júrdi. Qalǵandary kolonna bolyp shyǵyp bara jatty. Men boıy uzyn bir polkovnıkten jarylys bola ma dep suradym. Ol "Jarylys bolmaıdy, erýnda" dedi. Biraq ózi sheginip bara jatty. Birazdan soń bizdiń bastyǵymyz da birnárse sezgendeı, jaılap artqa shegineıik dedi. "Abaılaıyqshy, jigitter" dedi. Qazir qasymda bolǵandar qaıtys bolǵan. Ol jerde qaza tapqandardyń kóbisi órt sóndirýshiler" – dep aıtty órt sóndirýshi Almaz.

26 tamyz kúni Jambyl oblysy Baızaq aýdanynda ornalasqan áskerı bólimde saǵat 19.00 shamasynda qoımalardyń biriniń janynda órt shyqqan. О́rt saldarynan qoımadaǵy oq-dári jarylyp, saldarynan 15 adam qaza tapqan. Olardyń arasynda órt sóndirýshiler, tótenshe jaǵdaı mınıstrliginiń, áskerı bólimniń, áskerı kúzet pen áskerı prokýratýranyń qyzmetkerleri bar. Áskerı bólimnen jarty shaqyrym jerdegi Qaınar aýylyndaǵy úıler búlingen.

 

 

 

Posmotret etý pýblıkasııý v Instagram

 

 

 

Pýblıkasııa ot Irına Sovetjanqyzy (@irina_31tv)