• USD 424.85

  • EUR 504.21

  • RUB 5.84

  • CNY 65.86

18 Qazan, 04:52:04
Almaty
+3°

Almaty oblysyndaǵy shekara beketine Qazaqstannyń tuńǵysh prezıdenti Nursultan Nazarbaevtyń esimi berildi. 

"Qazaqstan Respýblıkasy Ulttyq qaýipsizdik komıteti Shekara qyzmetiniń Almaty oblysy boıynsha departamenti" respýblıkalyq memlekettik mekemesi Raıymbek aýdany boıynsha Shekara basqarmasynyń "Baıanqol" shekara bólimshesiniń ataýy "Qazaqstan Respýblıkasy Ulttyq qaýipsizdik komıteti Shekara qyzmetiniń Almaty oblysy boıynsha departamenti" respýblıkalyq memlekettik mekemesi Raıymbek aýdany boıynsha Shekara basqarmasynyń "Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaev atyndaǵy" shekara bólimshesi dep aýystyrylsyn" delingen Qazaqstan Respýblıkasy úkimetiniń 2021 jylǵy 18 tamyzdaǵy № 567 qaýlysynda.

Qaýlyǵa premer-mınıstr Asqar Mamın qol qoıǵan. Tıisti qujat adilet.zan.kz portalynda jarııalandy.

Qazaqstanda tuńǵysh prezıdent esimimen atalatyn qala, áýejaı, ýnıversıtet, mektep bar. 2019 jylǵy 20 naýryzda Q.Toqaev prezıdent laýazymyna kirisip, ant qabyldaý rásiminde eldegi qalalardyń ortalyq kóshelerine Nursultan Nazarbaev esimin berýdi usynǵannan keıin jappaı Nazarbaev atyndaǵy kósheler men dańǵyldar paıda bola bastady.

Máselen, О́skemen men Pavlodar, Taldyqorǵandaǵy Táýelsizdik dańǵyly Nazarbaev bolyp ózgertildi. Oraldaǵy Dostyq dańǵylyna, Atyraýda Qanysh Sátpaev dańǵylyna, Aqtóbede Máńgilik El dańǵylyna, Petropavlda Mır kóshesine, Kókshetaýdaǵy Maksım Gorkıı kóshesi, Qostanaıdaǵy Abaı dańǵyly, Shymkenttegi Astana dańǵyly, Oraldaǵy Dostyq-Drýjba kóshesi, Aqtóbedegi Ábilqaıyr han dańǵylynyń bir bóligi, Taraz qalasynyń eń úlken kósheleriniń biri – Tóle bı dańǵyly, Qyzylordadaǵy Jibek joly kóshesine, Almatydaǵy Fýrmanov kóshesine dańǵyly Nursultan Nazarbaevtyń esimi berildi. Qaraǵandyda Beıbitshilik býlvary men Narmanbet Tólepov kóshesin qosý arqyly Nursultan Nazarbaev dańǵyly paıda boldy. Kóshe ataýlary joq Aqtaý qalasynda Nursultan Nazarbaev dańǵyly paıda bolǵan.

Budan bólek, eldiń birneshe qalasynda Nazarbaev eskertkishi bar. Nazarbaev atyndaǵy saıabaq, sport kesheni jáne mýzeıler bar.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir