Shymkentte eki shaǵyn aýdan sapaly ınternetpen qamtyldy

Shymkent qalasynyń 35 myń halqy bar shalǵaı ornalasqan 2 shaǵyn aýdanynǵa joǵarǵy jyldamdyqty talshyqty optıka jelisi tartyldy.

Sonyń biri Qarataý aýdanyna qarasty 4 myńnan astam úıi bar Aqjaıyq shaǵynaýdany. Búgingi kúni, «i-LinkNet» mekemesi shaǵynaýdanǵa talshyqty optıka jelisin tolyq júrgizdi. Tórt myńǵa jýyq úıge 400 shaqyrymdyq abonenttik kabel tartty. Ondaǵy ótinish qaldyrǵan 500-den astam otbasy joǵarǵy jyldamdyqty sapaly ınternetke qol jetkizdi.

Sonymen qatar, kompanııa Dostyq shaǵynaýdanyna da talshyqty optıka jelisin tartty. 2500-ge jýyq úıge talshyqty optıka jelisi jáne 200 shaqyrymdy qamtıtyn abonenttik kabel júrgizildi. Atalǵan shaǵynaýdannyń ótinish bildirgen alǵashqy 100 úıge ınternet jelisi qosylyp, turǵyndardan qosymsha ótinishter qabyldaný ústinde.

Turǵyndar tarapynan keńjolaqty ınternet jelisine qosylýǵa naqty ótinimder berilgen jaǵdaıda, kompanııa tarapy shaǵynaýdandy tolyqqandy talshyqty optıka jelisimen qamtamasyz etpek. Aldaǵy ýaqytta «i-LinkNet» kompanııasy Asar, Samal-3 jáne Nurtas shaǵynaýdandaryn talshyqty optıka jelisimen qamtıtyn bolady.