• USD 424.85

  • EUR 504.21

  • RUB 5.84

  • CNY 65.86

20 Qazan, 06:58:33
Almaty
+11°

Pavlodar oblysynda jigitiniń adam óltirgenin jasyrǵan qyz ustaldy, – dep habarlady Polisia.kz saıty.

Pavlodar oblysy Ýspen aýdany polısııa bóliminiń qyzmetkerleri 30 jastaǵy aýyl turǵynyna qatysty isti tergep jatyr.

– Maýsym aıynyń sońynda Ýspen aýdanynyń Qozyketken aýylynda 22 jastaǵy jergilikti turǵyn janjaldan keıin tanysyna pyshaq jaraqatyn salyp, saldarynan ol oqıǵa ornynda kóz jumǵan. Aýyl turǵyny qylmystyń kýágeri bolǵan, biraq polısııaǵa bolǵan oqıǵa týraly habarlaýdyń ornyna, zattaı dáleldemelerden arylýǵa tyrysqan, – dedi Pavlodar oblysy polısııa departamenti bastyǵynyń birinshi orynbasary Jasqaırat Qaıyrov.

Qyz qylmys quraly – pyshaqty jýyp, jasyrdy, sonymen birge marqumnyń zattaryn jýdy degen kúdikke ilinip otyr.

– Osydan keıin turǵyndar oqıǵa ornynan ketip, baqshaǵa tyǵylǵan. Olar jazadan jasyryný úshin aýdannan ketýdi josparlaǵan, biraq josparlary júzege aspady. Birneshe saǵattan keıin polısııa ustady, – dep tolyqtyrdy  J. Qaıyrov.

Qylmys jasaǵan kúdiktige qatysty Qazaqstan Respýblıkasy Qylmystyq kodeksiniń 106-babynyń 3-bóligi (abaısyzda jábirlenýshiniń ólimine ákep soqqan ne qylmystyq top jasaǵan is-áreket) boıynsha sotqa deıingi tergeý júrgizilýde.

Osy qylmysty jasyrǵan onyń súıiktisine qatysty Qazaqstan Respýblıkasy Qylmystyq Kodeksiniń 432-baby (Qylmysty jasyryp qalý) boıynsha sotqa deıingi tergeý bastaldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir