Erjan Babaqumarov «Mereıli otbasy» ulttyq baıqaýy qalalyq kezeńiniń jeńimpazdaryna marapattardy tapsyrdy

Búgin Almaty qalasy ákiminiń orynbasary Erjan Babaqumarov «Mereıli otbasy» ulttyq baıqaýy qalalyq kezeńiniń jeńimpazdary – Ahmetovtar otbasyn marapattady.

Eske salsaq, «Mereıli otbasy» baıqaýy otbasy, adamgershilik, rýhanııat ınstıtýttaryn nyǵaıtý, erli-zaıyptylar jaýapkershiliginiń mańyzyn túsiný jáne ata-analardyń bala tárbıeleýdegi jaýapkershiligin arttyrý, otbasylyq qundylyqtardy kórsetý jáne keńinen nasıhattaý, kámelet jasyna tolǵan balalardyń eńbekke jaramsyz jáne qart ata-analaryna qamqorlyq tanytýlary maqsatynda ótkiziledi.

«Mereıli otbasy» ulttyq baıqaýyn Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev 2013 jyly bekitken bolatyn. Baıqaý dástúrge aınaldy: memleketimizdiń damýyna úles qosqan otbasylar anyqtalýda, al bul rýhanııat pen salaýatty qoǵamdy qoldaý úshin óte mańyzdy. Baıqaý balalardyń talantyn ashýdyń, kóńil-kúıdiń, qundylyqtarynyń qaınar kózi otbasy ekenin kórsetýde. Bizdiń qalanyń jeńimpazdary – bul kóptegen almatylyqtar men qazaqstandyqtardyń kóptegen urpaqtaryna úlgi bolatyn otbasylar», - dedi Almaty qalasy ákiminiń orynbasary Erjan Babaqumarov, jeńimpazdardy quttyqtap, olarǵa zor densaýlyq pen baq-bereke tiledi. Baıqaýdyń qalalyq kezeńine qatysýǵa 142 otbasy ótinish berdi.

Naýryzbaı aýdanynyń Ahmetovtar otbasy jeńimpaz atandy. Ahmetovtar otbasynyń juby – ekeýi de dáriger, kishi qyzy men nemereleri ata-analarynyń jolyn qýǵan.

«Bizge erekshe kóńil bólgenderińizge óte rızamyz, buryn mundaıdy kórgen emespiz. Bizdiń otbasymyzǵa nazar aýdarylyp, keremet syılyq jasaldy. Biz otbasymyzdyń basqalarǵa úlgi bolǵanyna jáne Otanymyzdyń damýyna úles qosqanymyzǵa óte qýanyshtymyz. Meniń jasym 85-te, joldasym 90-da. Bıyl úılengenimizdiń temir toıyn – nekede bolǵanymyzdyń 65 jyldyǵyn atap ótemiz. Barlyq nemerelerimdi óz balalarymdaı tárbıeledim, búginde olar tabysty tulǵalar. Bizdiń otbasymyzǵa abyroı men qurmet kórsetilgenine qýanyshtymyz», - dedi Kúnsary Ahmetova.

Baıqaýdy ótkizý jónindegi qalalyq komıssııanyń quramyna qala ákiminiń áıelder jáne otbasylyq-demografııalyq saıasat jónindegi ınspektory, qalalyq basqarmalar basshylary, ÚEU ókilderi, Almaty qalasy Qoǵamdyq keńesiniń músheleri, qoǵam qaıratkerleri jáne t.b. endi.

Almatyda aýdandyq deńgeıde jeńiske jetken otbasylar da marapattaldy:

- Alataý aýdany – Iztileýovter otbasy, óziniń ómir jolyn bilim berý salasyna arnaǵan, jastardyń kóptegen býyndaryn tárbıelegen. Olar oqýshylardyń bilimin arttyrý maqsatynda «Zerde Education» oqý ortalyǵyn qurdy;

• Almaly aýdany – Sydyqovtar otbasy, olar bilim, óner jáne qaýipsizdik salasynda jumys isteıdi;
• - Áýezov aýdany – Bilálovtar otbasy, olardyń barlyq músheleri bilim berý salasynda jumys isteıdi;
• - Bostandyq aýdany – Bestembaevtar otbasy medısına salasyna aıtarlyqtaı úles qosty;
• - Jetisý aýdany – Shomanbaevtar otbasy ekonomıka men kásipkerlik salasyna úles qosýda. Otaǵasy kásipkerlikti qaıyrymdylyqpen ushtastyrýda;
• - Medeý aýdany – kópbalaly Dáribaevtar otbasy oqýda jáne sportta jetistikke jetken alty balany tárbıeleýde; -
• Túrksib aýdany – kópbalaly Ábilǵazy otbasy, otbasy músheleri óz ómirlerin óleńge, ádebıetke, mýzykaǵa arnaǵan óner ókilderi. Jeti urpaqtan turatyn Ábilǵazy otbasynyń shyǵarmashylyq tájirıbesi júz jyldan asady. Aıta keterligi, shara adamdardy kóp jınamaı, epıdemıologııalyq normalardy qatań saqtaı otyryp ótti. Marapattaýǵa kelgen qatysýshylar vaksınalanǵandar qatarynda.