Fılosof, dintanýshy Shamshııa Rysbekova dúnıeden ozdy

23 shilde kúni ál-Farabı atyndaǵy Qazaq ulttyq ýnıversıteti Fılosofııa jáne saıasattaný fakýlteti Dintaný jáne mádenıettaný kafedrasynyń professory, fılosofııa ǵylymdarynyń doktory Shamshııa Rysbekova dúnıeden ozdy. Bul týraly kafedra ujymy málim etti.

"Ujymymyz orny tolmas qaıǵyǵa ushyrap, bilikti maman, óz isiniń sheberi, ulaǵatty ustaz, tanymal ǵalym, elimizdegi dintaný salasynyń qalyptasýyna, damýyna óz úlesin qosqan áriptesinen aıyrylyp qaldy.

Shamshııa Rysbekova fakýltet pen kafedra tarapynan tapsyrylǵan qoǵamdyq jumystardy jaýapkershilikpen, ýaqytynda atqardy. Ǵylymı-zertteý jumysyn ustazdyq qyzmetpen sabaqtastyra biletin, jaýapkershiligi mol, áriptesteri arasynda qurmetke ıe qyzmetker bolǵan. Árqashan jan-jaǵyna adal, qyzmetine asa jaýapkershil, shákirtterine talapshyldyǵymen qosa qamqorlyǵy basym bolǵan Shamsııa Saıdǵalıqyzy ómirge degen pozıtıvti kózqarasymen, qaıratty tabandylyǵymen erekshe jan edi. Aýyr dert janynan qansha batsa da, esh syr bermeı, sol batyl, ótkir minezimen esimizde qaldy. Asqan sabyrlyq pen shydamdylyqty bir boıyna jınap, aýyrsynǵanyn bildirmeı, únsiz kete bardy...

Ál-Farabı atyndaǵy Qazaq ulttyq ýnıversıteti Fılosofııa jáne saıasattaný fakýlteti, Dintaný jáne mádenıettaný kafedrasynyń ujymy fılosofııa ǵylymdarynyń doktory Rysbekova Shamshııa Saıdǵalıqyzynyń qaıtys bolýyna baılanysty marqumnyń otbasy men týystaryna qaıǵyryp, kóńil aıtady" delingen qaraly habarda.

Rysbekova Shamshııa Saıdǵalıqyzy – Ál-Farabı atyndaǵy Qazaq ulttyq ýnıversıteti fılosofııa jáne saıasattaný fakýltetiniń túlegi. Eńbek jolyn 1993 jyly qazaq fılosofııasy tarıhy bóliminde kishi ǵylymı qyzmetker retinde bastap, 1995 jylǵy aqpan aıynan fılosofııa jáne saıasattaný ınstıtýty janyndaǵy aspırantýrada oqyǵan. 2003 jyldan bastap ál-Farabı atyndaǵy QazUÝ, Fılosofııa jáne ǵylym ádisnamasy kafedrasynda qyzmet atqarǵan.

1999 jyly fılosofııa tarıhy mamandyǵy boıynsha fılosofııa ǵylymdarynyń kandıdaty ǵylymı dárejesin alý úshin "Problema sýshnostı ı naznachenııa cheloveka v fılosofıı Abaıa" taqyrybynda kandıdattyq dıssertasııa qorǵaǵan. 2010 jyly Fılosofııa jáne din tarıhy, fılosofııalyq antropologııa, mádenıet fılosofııasy mamandyǵy boıynsha fılosofııa ǵylymdarynyń doktory ǵylymı dárejesin alý úshin "Antropologıcheskıı dıskýrs v sovremennoı relıgıoznoı fılosofıı" atty doktorlyq dıssertasııa qorǵady.

Aspırantýrany bitirgennen keıin BjEA-nyń "Fılosofııa jáne tilder" kafedrasy "Fılosofııa" seksııasynyń meńgerýshisi qyzmetin atqarǵan.

Shamshııa Rysbekova 100-den astam ǵylymı eńbek, 3 monografııa jáne 15 oqý quralyn jazǵan. Tomson Reıter (Web of Science, Thomson Reuters), Scopus atty ǵylymımetrııalyq bazalarǵa kiretin nóldik emes ımpakt-faktory bar ǵylymı jýrnaldarda 15-ke jýyq maqalasy jarııalanǵan.

"Dintaný" mamandyǵy boıynsha bakalavrıat, magıstratýra jáne doktorantýra deńgeılerine Memlekettik standarttar men úlgilik jáne oqý baǵdarlamalaryn, sıllabýstardy daıyndaýǵa belsendi qatysqan.