• USD 424.85

  • EUR 504.21

  • RUB 5.84

  • CNY 65.86

19 Qazan, 17:36:27
Almaty
+15°

Almatydaǵy epıdemıologııalyq ahýal "delta" shtammynyń taralýyna baılanysty ýshyǵa túsýde. Bul týraly qalanyń bas sanıtar dárigeri Jandarbek Bekshın óńirlik kommýnıkasııalar qyzmetiniń alańynda aıtty.

Bas sanıtar dárigerdiń sózinshe, maýsym aıynda qalada koronavırýs ınfeksııasynyń 3800 jaǵdaıy tirkelgen. 

– Jyl basynan beri Almatyda KVI-diń 55 101 jaǵdaıy anyqtaldy. Al maýsym aıynda 3889 jaǵdaıy tirkeldi. О́tken aptada koronavırýs derti 1,7 ese 742-den 1237-ge deıin ósti. Sońǵy táýlikte KVI-diń 215 jaǵdaıy tirkeldi, – dedi Bekshın

Bekshın epıdemıologtar PTR ortasha táýliktik oń nátıjeleri 114-ten 188-ge deıin óskenin atap ótti. Sońǵy aptada sımptomdary bar KVI-men aýyratyndardyń úles salmaǵy 32%-dan 53%-ǵa deıin artqan, bul COVID-19 "delta" shtammynyń tez taraıtynyn kórsetti.

– Vırýs juqtyrǵandar sanynyń kúrt ósýine baılanysty biz mýtasııalanǵan shtamdarǵa zertteý júrgizdik. Nátıjesinde naýqastardan alynǵan 131 úlginiń 77-si "alfa", brıtanııalyq shtammdar, 46 úlgide "delta", úndi shtammdary anyqtaldy. Sonymen qatar, eki "gamma", ońtústik afrıka shtammdary men bir nıý-ıork, "betta" shtammy tirkeldi. Jalpy epıdemıologııalyq jaǵdaıdyń kúrdelenýi "alfa" shtammynyń taralýynan, al aýrýdyń artýy Nur-Sultan qalasy men Reseıden ákelingen "delta" shtammynyń saldarynan.

"Úndi" shtamynyń taralýy óte jyldam. Sońǵy 3 kúnde 46 synamanyń 45-nen "úndi" shtamy anyqtaldy, – dedi ol.

Bekshın jalpy qaýipti indetti juqtyrmaýdyń jalǵyz joly – vaksına salý men sanıtarlyq normalardy saqtaý ekenin atap ótti.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir