Foto: Ashyq derekkóz
AQSh prezıdenti Djo Baıden Reseı "zııandy árekettermen" aınalysatyn bolsa, "kórnekti jáne aýyr" zardaptarǵa tap bolatynyn eskertti. Baıden bul eskertýdi óziniń alǵashqy sheteldik sapary Ulybrıtanııaǵa barǵanynda aıtty.
Baıden Tramp ákimshiligi kezindegi AQSh odaqtastarymen bolǵan shıelenisken qatynastardy qaıtadan nyǵaıtýǵa nıetti ekenin málimdedi.
Ol Ulybrıtanııa premer-mınıstri Borıs Djonsonmen "Atlantıkalyq hartııaǵa" kelisý úshin kezdesedi.
Osyndaı kelisim 1941 jyly Ýınston Cherchıll men Franklın Rýzvelt arasynda bolǵan. Bul "Klımattyń ózgerýi men qaýipsizdik sııaqty problemalarǵa baǵyttalǵan kelisimniń qazirgi zamanǵy nusqasy bolady" dep sıpattalýda.
BBC-diń saıası redaktory Laýra Kýensbergtiń aıtýynsha, Baıden men Djonson Tramp ákimshiligi kezindegi qaıshylyqtan jáne pandemııanyń qysymynan keıin mańyzdy qarym-qatynasty jańartýdy kózdeıdi.
Baıden segiz kúndik eýropalyq sapar barysynda Vındzor saraıynda Ulybrıtanııa patshaıymymen kezdesedi, G7 kóshbasshylarynyń kezdesýine qatysyp, prezıdent retindegi alǵashqy NATO sammıtine qatysady.
Saparynyń sońynda Baıden Reseı prezıdenti Vladımır Pýtınmen Jenevada kezdesedi dep josparlanǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir