Foto: akorda.kz
Prezıdenttiń baspasóz hatshysy Berik Ýálı memleket basshysy Qasym-Jomart Toqaevtyń turǵyn úı jaǵdaıyn jaqsartý úshin zeınetaqy jınaqtaryn paıdalanýǵa berý jónindegi tapsyrmasynyń oryndalýy týraly aıtty.
Onyń aıtýynsha, búginge deıin 16 075 qaryz alýshy buǵan deıin bankterden turǵyn úıleri úshin alǵan jalpy somasy 62 mıllıard 41 mıllıon teńge ıpotekalyq qaryzyn tolyq ótegen.
"47 133 qaryz alýshy jalpy somasy 144 mıllıard 53 mıllıon teńge bolatyn turǵyn úı ıpotekalyq qaryzdarynyń bir bóligin óteý úshin birjolǵy zeınetaqy tólem júıesin paıdalandy. 8889 qaryz alýshy bankterden jalpy somasy 150 mıllıard 361 mıllıon teńge bolatyn turǵyn úı ıpotekalyq qaryzdaryn alý úshin alǵashqy jarna retinde birjolǵy zeınetaqy tólemi qarajatyn paıdalandy.
Bankter boıynsha eń kóp qaryz alýshy "Otbasy Bank" aksıonerlik qoǵamynda tirkelgen. Olardyń jalpy sany – 37 228. Birjolǵy zeınetaqy tólemin paıdalaný arqyly turǵyn úı qurylys jınaqtary júıesi boıynsha berilgen jańa turǵyn úı ıpotekalyq qaryzdarynyń mólsheri – 125 mıllıard 29 mıllıon teńge.
"Sberbank" AQ EB – qaryz alýshylar sany boıynsha ekinshi orynda. Olardyń jalpy sany – 11 483. Odan keıin "Qazaqstannyń Ulttyq Bank" aksıonerlik qoǵamynan – 9 488 jáne "Bank Sentr Kredıt" aksıonerlik qoǵamynan – 8 432 adam qaryz alǵan.
Atalǵan bankterden birjolǵy zeınetaqy tólemin paıdalaný arqyly jańadan alynǵan turǵyn úı ıpotekalyq qaryzdarynyń mólsheri – 23 mıllıard 167 mıllıon teńge" delingen jazbada.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir