• USD 424.85

  • EUR 504.21

  • RUB 5.84

  • CNY 65.86

19 Qańtar, 16:04:03
Almaty
+1°

Syrtqy ister mınıstrligi maýsymnan bastap Túrkııaǵa kirý erejeleri ózgergenin habarlap, jańa erejelerdi jarııalady.

Mınıstrliktiń habarlaýynsha, Aýǵanstan, Bangladesh, Brazılııa, Ońtústik Afrıka Respýblıkasy, Úndistan, Nepal, Pákistan jáne Shrı-Lankadan kelgen nemese sońǵy 14 kúnde osy elderde bolǵan jolaýshylar sońǵy 72 saǵat ishinde jasalǵan PTR testtiń teris nátıjesin usynýy qajet. Atalǵan elderden kelgen jolaýshylar 14 kúndik karantınge alynady. Karantınniń sońynda PTR test nátıjesi teris bolsa, karantın sharalpry toqtatylady.

Sondaı-aq, Ulybrıtanııa, Iran, Mysyr jáne Sıngapýrdan keletin jolaýshylardan sońǵy 72 saǵat ishinde jasalǵan PTR testiniń teris nátıjesi talap etiledi.

Alǵashqy eki tarmaqta kórsetilmegen elderden, sonyń ishinde Qazaqstannan kelgen jolaýshylardan tıisti memlekettiń resmı organdary tarapynan rásimdelgen tómendegi qujattardyń biri usynylǵan jaǵdaıda, PTR testtiń teris nátıjesi talap etilmeıdi:

  • Túrkııaǵa kelýden kem degende 14 kún buryn vaksınasııalanǵany týraly resmı qujat;
  • sońǵy 6 aıda koronavırýspen aýyrǵany jáne jazylǵany jaıly qujat;

Atalǵan qujattar bolmaǵan jaǵdaıda, tómendegilerdiń bireýi usynylýy kerek:

  • Túrkııaǵa kirerden buryn sońǵy 72 saǵat ishinde jasalǵan PTR testtiń teris nátıjesi;
  • Túrkııaǵa kirerden buryn sońǵy 48 saǵat ishinde jasalǵan jedel antıgendi anyqtaý testiniń nátıjeleri bolýy tıis.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir