Prezıdent Q.Toqaev Túrkistan oblysynyń ákimi О́mirzaq Shókeevti qabyldady. Qazaqstan prezıdentine Túrkistan oblysynyń áleýmettik-ekonomıkalyq damýy, halyqtyń ál-aýqatyn jaqsartýǵa qatysty qabyldanǵan sharalar, óńirdegi koronavırýs indetine qarsy atqarylyp jatqan jumystar jaıynda baıandaldy. Bul týraly Aqorda saıty habarlady.
Aqorda baspasóz qyzmetiniń málimetinshe, Qasym-Jomart Toqaevqa О́mirzaq Shókeev oblysta kovıd-menedjment boıynsha júıeli jumys jasalǵanyn, sanıtarlyq-epıdemııalyq tártiptiń qatań saqtalǵanyn, halyqqa ekpe egý isiniń qarqyndy júrip jatqanyn aıtqan.
"Jalpy Túrkistan oblysy boıynsha 1 mıllıon adamǵa ekpe egilýi kerek bolsa, búginde 200 myń adamǵa vaksına salynǵan. Aımaqtaǵy juqpaly aýrýlar aýrýhanalaryndaǵy tósek-oryndar men dári-dármek qory jetkilikti, qajetti quraldarmen jabdyqtalǵan. О́ńir basshysynyń aıtýynsha, qazir oblys «jasyl aımaqta», soǵan sáıkes keıbir shekteýler alynyp jatyr.
Bıyl Túrkistan oblysynyń qurylǵanyna 3 jyl tolady. Memleket basshysyna osy aralyqta atqarylǵan jumystar men óńirdegi ózgerister týraly aıtyldy. О́mirzaq Shókeev oblystyń jalpy ishki ónimi 41 paıyzǵa óskenin, ınvestısııa 2,4 ese artqanyn, qurylys salasynda iri jobalar iske asqanyn, aýyl sharýashylyǵy, shaǵyn jáne orta bıznes boıynsha oń kórsetkish bar ekenin atap ótti" delingen aqparattyq habarlamada.
Kezdesý barysynda prezıdent oblys ákimine úkimetpen birlesip Túrkistan oblysyn damytýdyń 2018-2024 jyldarǵa arnalǵan keshendi josparyn qaıta jańartýdy tapsyrǵan.
Pikir qaldyrý
pikir