Bek Air ushaǵy apaty: Eks-sheneýnikterge sot úkimi shyqty

Almaty oblysynyń Talǵar aýdandyq sotynda áýejaı mańynan jerdi zańsyz satqan rıeltor men eks-sheneýnikterge qatysty sot úkimi shyqty. 

Rıeltor men eks-sheneýnikter qyzmet babyn asyra paıdalanyp, alaıaqtyq jasady dep aıyptaldy. Burynǵy 3 sheneýnikke 3 jyl bas bostandyǵynan aıyrý jazasy kesildi. Qalǵandary 2,5 jyldan 4 jylǵa deıin sottaldy.

Talǵar aýdandyq sotynyń sýdıasy Ilııas Muhadıuly burynǵy 5 sheneýnik pen rıeltordyń isine qatysty sot úkimin oqydy.

Úkim boıynsha: 

• Talǵar aýdandyq jer qatynastary bóliminiń burynǵy bastyǵy Rýstam Turysbekov kináli dep tanylyp, memlekettik qyzmettegi laýazymdardy atqarý quqyǵynan 7 jylǵa aıyra otyryp, eń tómengi qaýipsiz kolonııada 5,5 jylyn ótkizetin boldy. Qazaqstan Táýelsizdiginiń 25 jyldyǵyna arnalǵan raqymshylyqqa baılanysty onyń merziminiń 1/4 qysqartyldy. Nátıjesinde ol 4,1 jyldy qaýipsizdigi shekteýli kolonııada óteýi kerek bolady. Sot ony sot zalynda kúzetpen ustaý týraly sheshim shyǵardy.
• Talǵar oblysy jer qatynastary bóliminiń burynǵy bastyǵy Qaırat Altynbekuly kináli dep tanyldy. Sot ony 6 jyl merzimge memlekettik qyzmettegi laýazymdardy atqarý quqyǵynan aıyra otyryp, qaýipsizdigi shekteýli kolonııada 4 jylyn ótkizýdi buıyrdy. Raqymshylyqqa baılanysty onyń merzimi qysqaryp, kolonııadaǵy merzimi 3 jyl dep taǵaıyndaldy.
• Rıeltor Nuraıym Aldanysh 5 jylǵa bas bostandyǵynan aıyrylyp, qaýipsizdigi ortasha kolonııaǵa jiberiletin boldy. Táýelsizdiktiń 25 jyldyǵyna arnalǵan raqymshylyqqa baılanysty onyń merzimi 2,5 jylǵa qysqardy.

Qalǵan sottalýshylarǵa bas bostandyǵyn shekteý jazasy taǵaıyndaldy.

• Jer regıstri ǵylymı-óndiristik ortalyǵy Talǵar oblystyq bóliminiń burynǵy bastyǵy Jaras Máshimbaevqa 4 jylǵa bas bostandyǵyn shekteý týraly úkim shyqty. Táýelsizdiktiń 25 jyldyǵyna arnalǵan raqymshylyqqa baılanysty onyń merzimi 3 jylǵa deıin qysqartyldy.
• Burynǵy jer kadastry ǵylymı-óndiristik ortalyǵy aımaqtyq bólimi bastyǵynyń mindetin atqarýshy Medeý Qalybekovke de 4 jylǵa bas bostandyǵyn shekteý týraly sot úkimi shyqty. Raqymshylyqqa baılanysty onyń merzimi 3 jylǵa deıin qysqardy.
• Basqarmanyń Jerge ornalastyrý sektorynyń burynǵy bastyǵy mindetin atqarýshy Berik Abdýllaevqa 4 jylǵa bas bostandyǵyn shekteý jazasy taǵaıyndaldy. Raqymshylyqtyń arqasynda onyń merzimi 3 jylǵa deıin qysqardy.

Aıta keteıik, tergeý barysynda rıeltor Nuraıym Aldanysh qana óz kinásin moıyndamaı, kinási qujatpen dáleldenbegenin aıtqan. Al qalǵan barlyq eks-sheneýnikter óz kinásin moıyndaǵan.

Eske sala keteıik, 2019 jyldyń 27 jeltoqsanyńda "Bek Air" áýe kompanııasynyń ushaǵy apatqa ushyrap, saldarynan 12 adam qaıtys bolǵan bolatyn.