Foto: Ashyq derekkóz
Prezıdent Qasym-Jomart Toqaev Qazaqstanda shyǵarylǵan QazVac vaksınasy aımaqtarǵa jetkizile bastaǵanyn aıtty. Bul týraly ol áleýmettik jelidegi paraqshasynda habarlady.
– QazVac vaksınasy elimizdiń óńirlerine jetkizile bastady. Barlyq azamattarǵa qoljetimdi bolý úshin otandyq ekpe óndirisin ulǵaıtamyz. Qazaqstan álem boıynsha óz vaksınasyn shyǵarǵan birneshe eldiń qatarynda. Ekpeni ázirlegen ǵalymdar men mamandardyń bárine alǵys aıtamyn, – dedi prezıdent.
Buǵan deıin "QazVac" vaksınasynyń alǵashqy 50 myń dozasy "SQ-Farmasııanyń" habtaryna taratylyp, odan ári eldiń barlyq óńirlerindegi densaýlyq saqtaý basqarmalarynyń qoımalaryna jetkiziletini habarlanǵan.
Premer-mınıstr saıtynyń málimetinshe, 26 sáýirde elde "QazVac" vaksınasymen vaksınasııalaý bastalady. Mamyr aıynda 50 myń doza kólemindegi vaksınanyń kezekti partııasy shyǵarylmaq. Vaksına óndirisi kezeń-kezeńmen aıyna 500-600 myń dozaǵa deıin ulǵaıtylady dep kútilýde.
Qazaqstanda koronavırýsqa qarsy jappaı vaksınasııa 1 aqpanda bastaldy. 2021 jylǵy 23 sáýirdegi málimet boıynsha 823 498 adam vaksına saldyrǵan. Búginde azamattarǵa reseılik Spýtnık-V ekpesi salynyp jatyr. Brıtanııalyq "The Lancet" medısınalyq ǵylymı jýrnaly "Spýtnık V" vaksınasy 91,6 paıyzǵa tıimdi ekenin málim etken.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir