2020 jyly elý iri salyq tóleýshi el bıýdjetine 3,9 trln teńge salyq tólegen. Bul – 2019 jylǵa qaraǵanda 32,3 paıyzǵa az, dep habarlady, finreview.info saıty.

2020 jyly pandemııaǵa baılanysty keı kásiporyndar qashyqtan jumys isteý kóship, qashyqtan jumys isteı almaıtyn kompanııalar qyzmetin tolyǵymen toqtatqan. Bul sharalar álemdik ekonomıkanyń ósý qarqynyna teris áser etip, kóptegen kompanııalardyń qyzmetin júrgizýde qıyndyqtar týdy. 

Qazaqstanda shaǵyn jáne orta bıznesti qoldaý úshin salyqtyq yntalandyrý, arzandatylǵan kredıtter men olardyń merzimin uzartý, ákimshilik júktemeni azaıtý, bıznes-ahýaldy jaqsartý, bıznes máselelerin jedel sheshý sekildi birqatar sharalar engizildi. 700 myńnan astam kásipkerlik sýbektini qamtyǵan bul sharalar JIО́-niń 1%-1,3% mólsherindegi salyq túsimderinen aırylýyna ákelip soqty.

О́tken jyly memlekettik bıýdjet 8,6 trln teńgege tolyqty. 2019 jylmen salystyrǵanda onyń kólemi 655,3 mlrd teńgege kem.

Bul rette salyqtardyń 46%-yn qalyptastyratyn elý iri salyq tóleýshiden 3,9 trln teńge tólendi, bul 2019 jylǵa qaraǵanda 32,3%-ǵa az.

2020 jyly bıýdjet túsiminiń negizgi somasyn dástúrli túrde munaı jáne ilespe gaz óndirýmen aınalysatyn kásiporyndar quraǵan. Olardyń úlesine elý iri salyq tóleýshilerdiń barlyq tólemderiniń 59%-y nemese 2,3 trln teńge tıesili. О́tken kezeńmen salystyrǵanda osy kompanııalar tólegen salyq kólemi rekordtyq 46,6%-ǵa tómendedi.

Reıtıngte munaı salasyndaǵy kompanııalardan keıin jaıǵasqan metallýrgııa salasynyń salyq túsimderi jalpy túsimniń 12,5 paıyzyn nemese 493,3 mlrd teńge quraıdy. 

Reıtıngte munan soń temeki salasy jaıǵasqan. Oǵan úsh iri kompanııa engen. Olar 271,5 mlrd teńge salyq tóledi.

Taý-ken óndirý ónerkásibi jáne karerlerdi qazý kompanııalary salyq tólemderi boıynsha eń iri tórt salanyń qataryna engen. Olardyń bıýdjeti 200,9 mlrd teńgeni quraǵan.

Reıtıngke sondaı-aq munaı óńdeý salasynyń, telekommýnıkasııa, bank sektory, logıstıka, spırttik ishimdikter óndirisi, ınjenerııa ókilderi kirgen.

Qazaqstandy asyrap otyrǵan 50 kompanııa

 Qazaqstandy asyrap otyrǵan 50 kompanııa

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir