B. Saǵyntaev áleýmettik nysandar qurylysynyń jáne ınjenerlik ınfraqurylymdy modernızasııalaýdyń barysymen tanysty

Almaty ákimi Baqytjan Saǵyntaev jumys sapary kezinde ınjenerlik jáne áleýmettik ınfraqurylym salynyp jatqan birqatar yqshamaýdandarda boldy, sonymen qatar aýmaqtardy abattandyrý jobalarymen tanysty.

Megapolıs ákimi Instagram-daǵy óziniń paraqshasynda ınjenerlik qurylymdy jańartý men nyǵaıtýdyń mańyzdy ekenin atap ótti.

«Muztaý yqsh.-da taratý jelileri salynýda. Bıyl úılerdi sýmen jabdyqtaý jáne sý burý júıesine qosýǵa kirisemiz. О́rt sóndirý deposy men biryńǵaı kezekshi-dıspetcherlik qyzmettiń qurylys alańdarynda boldym»-, dep jazdy B.Saǵyntaev.
Almaty ákimi qaıta jóndeýden ótken jáne qosymsha oryndary bar №54 mektepte de boldy.

Qala turǵyndary jumyspen qamtý, turǵyn úı jáne t.b. saladaǵy 50 túrli máselelerge qatysty «bir tereze» qaǵıdaty boıynsha keńes ala alatyn Áleýmettik qyzmet kórsetý úıiniń jumysy aıaqtalýǵa jaqyn.

Aıta keterligi, Alataý aýdanynda 14 kortqa arnalǵan jańa tennıs ortalyǵy men jabyq shaǵyn fýtbol alańy, ústel tennısi bar ortalyǵynyń, sondaı-aq Alǵabastaǵy 12 myń adamǵa arnalǵan meshittiń qurylysy jalǵasýda. Ortalyq mádenıet jáne demalys saıabaǵyndaǵy velotrekti jóndeýden ótkizý týraly sheshim qabyldandy.

Sonymen qatar, Almaty ákimi B. Saǵyntaev qurylys sapasyn baqylaýdy kúsheıtýdi, kóshe keńistigin jaqsartý boıynsha jumystar júrgizýdi tapsyrdy. Tóle bı kóshesindegi joldardyń jóndelýi – erekshe baqylaýda.